هابدأ بحاجة كنت كاتبها اول ما خدت الاجازة وسيفتها على اساس انى انشرها فيما بعد
واهو جه بعد
*************************
واهو جه بعد
*************************
عودة للكتابة
ياااااااااه
بقالى كتير اوى ماكتبتش
من ساعة ما سبت شمساوى تقريبا
خلصت الحمد لله الامتحانات ورجعت مسكت شغل فى النادى تانى وبدأ بعبع الثانوية العامة يقترب
حاجات كتير عاوز اكتب عنها وعاوز اكتب كتير
مش عارف بالظبط اكتب فى ايه ولا اعمل ايه
انا دلوقتى هارتجل ومش هاراجع اللى كتبته تانى
هاكتب من وحى اللحظة ومش هابقى عارف وانا بكتب فى سطر ياترى السطر اللى بعده هايكون فيه ايه
بحب جدا الطريقة دى فى الكتابة
بقالى خمس دقايق بكتب
الساعة دلوقتى خمسة وخمسة من فجر الخميس 12-6-2007
هاقوم اعمل قهوة واقرا اذكار الصباح وارجع اكتب
************************************
خمسة وعشرة
المنطق بيقول ابدا م الاول
* كتبت كلام كتير عن شمساوى وعن شهرين بدونه بس مسحت الكلام كله فى الاخر
بالنسبة للامتحانات فربنا يستر
الامتحانات السنة دى غريبة جدا
كل الناس بتقول ان تالتة اصعب سنة
انا بصراحة شايف انها لحد دلوقتى اسهل سنة شفتها من ساعة ما دخلت الكلية
يعنى انا خدت اولى وعيدتها وتانية وتالتة واسهل سنة فى الاربعة كانت تالتة !!!
المواد سهلة جدا ولذيذة جدا والامتحانات كانت مش وحشة اوى وانا نفسى مش حالل وحش اوى فى الامتحانات
وبصراحة ده شئ يقلق
يعنى انا قبل كدة كنت بدخل الامتحانات وبخرج مش عارف حاجة حليت حلو ولا وحش ولا نيلت ايه ولا هببت ايه الله اعلم مش عارف وبتطلع النتيجة انى ناجح خير وبركة
انما دلوقتى ربنا يستر
لانى فعلا حاسس انى حالل كويس فى الامتحانات ومستريح لحلى فى الامتحانات (اغلبها يعنى)
هاتبقى مصيبة لو لقيت انى هاعيد السنة وبصراحة هاتخنق اوى لو جبت مقبول لان حلى يدينى تقديرات وبالذات فى التيرم الاول .. تيرم التكاليف والحكومية
المهم ان الامتحانات خلصت بخيرها وشرها وجت الاجازة
انا كان عندى احصاء فى اليوم قبل الاخير
يعنى اخر امتحان كان لغة يوم 6-6 وقبله احصاء يوم 3-6
انا بخلص الامتحان الساعة اتنين وبطلع على جدتى فى منشية البكرى بقعد عندها لحد خمسة او ستة مثلا وبعدين انزل اجيب الجزء التانى من الملزمة واروح العبور او ممكن اقعد عندها شوية وبعدين اروح وابقى اخلى بابا يجيبلى الملزمة وهو راجع م العيادة (فى حمامات القبة) بالليل
يوم الاحصاء (كان فاضلى لغة) رحت النادى قلت ابص كدة
لقيت الكابتن دبسنى فى تمرين
ويومها استلمت فريقى
تانى تمرين ليا كان يوم ما امتحنت اللغة وخلصت خالص ومن بعدها بقيت اروح النادى كل يوم
يعنى مسكت تمرين 3-6 ومن اول 6-6
عندى فريقين
سبت واتنين واربع بمرن حزام ابيض وحد وتلات وخميس بمرن الوان (بعد كدة غيرت المجموعة وبقيت بمرن ابيض برضه)
هاتطرق لاول مرة لعلاقتى مع الناس
فى اولياء امور كتير بيحبونى مش عارف على ايه بصراحة بالرغم من انى ببهدل عيالهم :D
مش هاتكلم عن الناس القديمة عشان خلاص بنيت قاعدتى عليهم وخلصت
بالنسبة للناس الجدد
النهاردة بالذات (النهاردة اللى فات يعنى امبارح عشان دلوقتى خمسة الفجر) كان يوم غريب
واد قالى على فكرة يا كابتن انت احسن كابتن هنا فى النادى كله ومش عارف فى ايه تانى
وولية امر جت تقولى ان ابنها قعد يعيط وعمال يقول عاوز اروح لعمو ابو نضارة :D انا يعنى
عشان التمرين اللى قبله (زياد) كان عمال يعيط ومتفرغ فقط للعياط فانا عشان اسكته شلته وفضلت واقف بيه واتكلم معاه فى اى حاجة واقوله ماشى هانروح لماما حاضر ادينا رايحينلها اهو عاوز اجيبك شوكالاطة وكلام من ده :D
وناس بقى عاوزين يتمرنوا معايا انا بالذات مش عارف ليه بالرغم من انه لسة ما عداش 3 تمارين من ساعة بداية الموسم (الاجازة بقى وبداية موسم الكاراتيه الجديد ب717 لاعب كاراتيه مسجل فى نادى بدر وكل عام وانتم طيبون)
واه .. النهاردة برضه فى ولى امر قديم جه يقول انى بشتغل بضمير وبتعب مع العيال وفرحان اوى :D
الحمد لله على كل شئ
اهم شئ بالنسبة للمدرب انه وهو شغال يكون هدفه انه يدى اكتر حاجة عنده عشان يرضى الله ويرضى ضميره قدام ربنا ويقول انه اشتغل باقصى طاقته وماخلاش حاجة عنده الا واداها للعيال
سيبنا من كل الكلام ده
عاوز اختم ببعض النماذج (الظريفة) شوية
الواد زياد ده متفرع للعياط فقط (سنتين) ومابيعملش اى حاجة غير انه يقول عاوز اروح لماما
يوسف بقى اللى قبل التمرين بييجى يسلم عليا فاقوله ايه يابنى خلاص مابتعيطش كبرت بقيت راجل يعنى يقول لا خلاااص انا مش بعيط
وبمجرد ما يبدأ التمرين عععععااااا يابنى مالك عاوز ماما وبيعيط بالصوت بس ومن غير دموع وممكن ينسى فيسكت وفجاة تلاقيه افتكر راح ععععاااااا
واد بقى اسمه محمد صلاح ده اعتقد انى هاقتله التمرين اللى جاى
بجد بجد مابيسكتش ثانية
عمال يرغى مع اللى جنبه ويتحرك وينط وينام ويقوم واوقفه او اقعده جنب حد تانى يفضل يشد فى الحزام بتاعه وعاوز يقلعه البنطلون ولما اقوله اسكت يقولى سسسس اقوله ياد لم نفسك يقولى لم انت :D
اه صحيح الواد ده كمان اثناء ما كنت لامم العيال ومقعدهم على الارض حواليا دايرة وواقف فى النص بشرحلهم نظرى لقيت امه راحت اشتكت للكابتن ولقيت الكابتن بيقولى قعد محمد صلاح مع الصغيرين مش مع الكبار :blink: يا عم الحاج مانا مقعده مع المنيلين مش مع الهباب بس قال ايه فى واد تخين بيرخم عليه وبيقعد ع الواد :huh:
اه .. وولى امر تانى مش عاوز يوقف يوسف جنب عياله احمد وهاجر عشان بيقعد يشد فى ودانهم :D
ما علينا
كفاية كدة خمسة ونص اهى
شكلها اجازة ما يعلم بيها الا ربنا
ياااااااااه
بقالى كتير اوى ماكتبتش
من ساعة ما سبت شمساوى تقريبا
خلصت الحمد لله الامتحانات ورجعت مسكت شغل فى النادى تانى وبدأ بعبع الثانوية العامة يقترب
حاجات كتير عاوز اكتب عنها وعاوز اكتب كتير
مش عارف بالظبط اكتب فى ايه ولا اعمل ايه
انا دلوقتى هارتجل ومش هاراجع اللى كتبته تانى
هاكتب من وحى اللحظة ومش هابقى عارف وانا بكتب فى سطر ياترى السطر اللى بعده هايكون فيه ايه
بحب جدا الطريقة دى فى الكتابة
بقالى خمس دقايق بكتب
الساعة دلوقتى خمسة وخمسة من فجر الخميس 12-6-2007
هاقوم اعمل قهوة واقرا اذكار الصباح وارجع اكتب
************************************
خمسة وعشرة
المنطق بيقول ابدا م الاول
* كتبت كلام كتير عن شمساوى وعن شهرين بدونه بس مسحت الكلام كله فى الاخر
بالنسبة للامتحانات فربنا يستر
الامتحانات السنة دى غريبة جدا
كل الناس بتقول ان تالتة اصعب سنة
انا بصراحة شايف انها لحد دلوقتى اسهل سنة شفتها من ساعة ما دخلت الكلية
يعنى انا خدت اولى وعيدتها وتانية وتالتة واسهل سنة فى الاربعة كانت تالتة !!!
المواد سهلة جدا ولذيذة جدا والامتحانات كانت مش وحشة اوى وانا نفسى مش حالل وحش اوى فى الامتحانات
وبصراحة ده شئ يقلق
يعنى انا قبل كدة كنت بدخل الامتحانات وبخرج مش عارف حاجة حليت حلو ولا وحش ولا نيلت ايه ولا هببت ايه الله اعلم مش عارف وبتطلع النتيجة انى ناجح خير وبركة
انما دلوقتى ربنا يستر
لانى فعلا حاسس انى حالل كويس فى الامتحانات ومستريح لحلى فى الامتحانات (اغلبها يعنى)
هاتبقى مصيبة لو لقيت انى هاعيد السنة وبصراحة هاتخنق اوى لو جبت مقبول لان حلى يدينى تقديرات وبالذات فى التيرم الاول .. تيرم التكاليف والحكومية
المهم ان الامتحانات خلصت بخيرها وشرها وجت الاجازة
انا كان عندى احصاء فى اليوم قبل الاخير
يعنى اخر امتحان كان لغة يوم 6-6 وقبله احصاء يوم 3-6
انا بخلص الامتحان الساعة اتنين وبطلع على جدتى فى منشية البكرى بقعد عندها لحد خمسة او ستة مثلا وبعدين انزل اجيب الجزء التانى من الملزمة واروح العبور او ممكن اقعد عندها شوية وبعدين اروح وابقى اخلى بابا يجيبلى الملزمة وهو راجع م العيادة (فى حمامات القبة) بالليل
يوم الاحصاء (كان فاضلى لغة) رحت النادى قلت ابص كدة
لقيت الكابتن دبسنى فى تمرين
ويومها استلمت فريقى
تانى تمرين ليا كان يوم ما امتحنت اللغة وخلصت خالص ومن بعدها بقيت اروح النادى كل يوم
يعنى مسكت تمرين 3-6 ومن اول 6-6
عندى فريقين
سبت واتنين واربع بمرن حزام ابيض وحد وتلات وخميس بمرن الوان (بعد كدة غيرت المجموعة وبقيت بمرن ابيض برضه)
هاتطرق لاول مرة لعلاقتى مع الناس
فى اولياء امور كتير بيحبونى مش عارف على ايه بصراحة بالرغم من انى ببهدل عيالهم :D
مش هاتكلم عن الناس القديمة عشان خلاص بنيت قاعدتى عليهم وخلصت
بالنسبة للناس الجدد
النهاردة بالذات (النهاردة اللى فات يعنى امبارح عشان دلوقتى خمسة الفجر) كان يوم غريب
واد قالى على فكرة يا كابتن انت احسن كابتن هنا فى النادى كله ومش عارف فى ايه تانى
وولية امر جت تقولى ان ابنها قعد يعيط وعمال يقول عاوز اروح لعمو ابو نضارة :D انا يعنى
عشان التمرين اللى قبله (زياد) كان عمال يعيط ومتفرغ فقط للعياط فانا عشان اسكته شلته وفضلت واقف بيه واتكلم معاه فى اى حاجة واقوله ماشى هانروح لماما حاضر ادينا رايحينلها اهو عاوز اجيبك شوكالاطة وكلام من ده :D
وناس بقى عاوزين يتمرنوا معايا انا بالذات مش عارف ليه بالرغم من انه لسة ما عداش 3 تمارين من ساعة بداية الموسم (الاجازة بقى وبداية موسم الكاراتيه الجديد ب717 لاعب كاراتيه مسجل فى نادى بدر وكل عام وانتم طيبون)
واه .. النهاردة برضه فى ولى امر قديم جه يقول انى بشتغل بضمير وبتعب مع العيال وفرحان اوى :D
الحمد لله على كل شئ
اهم شئ بالنسبة للمدرب انه وهو شغال يكون هدفه انه يدى اكتر حاجة عنده عشان يرضى الله ويرضى ضميره قدام ربنا ويقول انه اشتغل باقصى طاقته وماخلاش حاجة عنده الا واداها للعيال
سيبنا من كل الكلام ده
عاوز اختم ببعض النماذج (الظريفة) شوية
الواد زياد ده متفرع للعياط فقط (سنتين) ومابيعملش اى حاجة غير انه يقول عاوز اروح لماما
يوسف بقى اللى قبل التمرين بييجى يسلم عليا فاقوله ايه يابنى خلاص مابتعيطش كبرت بقيت راجل يعنى يقول لا خلاااص انا مش بعيط
وبمجرد ما يبدأ التمرين عععععااااا يابنى مالك عاوز ماما وبيعيط بالصوت بس ومن غير دموع وممكن ينسى فيسكت وفجاة تلاقيه افتكر راح ععععاااااا
واد بقى اسمه محمد صلاح ده اعتقد انى هاقتله التمرين اللى جاى
بجد بجد مابيسكتش ثانية
عمال يرغى مع اللى جنبه ويتحرك وينط وينام ويقوم واوقفه او اقعده جنب حد تانى يفضل يشد فى الحزام بتاعه وعاوز يقلعه البنطلون ولما اقوله اسكت يقولى سسسس اقوله ياد لم نفسك يقولى لم انت :D
اه صحيح الواد ده كمان اثناء ما كنت لامم العيال ومقعدهم على الارض حواليا دايرة وواقف فى النص بشرحلهم نظرى لقيت امه راحت اشتكت للكابتن ولقيت الكابتن بيقولى قعد محمد صلاح مع الصغيرين مش مع الكبار :blink: يا عم الحاج مانا مقعده مع المنيلين مش مع الهباب بس قال ايه فى واد تخين بيرخم عليه وبيقعد ع الواد :huh:
اه .. وولى امر تانى مش عاوز يوقف يوسف جنب عياله احمد وهاجر عشان بيقعد يشد فى ودانهم :D
ما علينا
كفاية كدة خمسة ونص اهى
شكلها اجازة ما يعلم بيها الا ربنا
ليست هناك تعليقات:
إرسال تعليق