الحريةةةةةةةةةة
اخيرا خلصت التربية العسكرية بتاعتى واللى استمرت من 9 اغسطس لحد النهاردة الصبح
الاول ده الجروب بتاع التربية العسكرية ع الفيس بوك للى اداها او لسة هاياديها
برغم كل شئ ..
بس والله كانت لذيذة
وحسيت انى زعلت او اتضايقت كدة لما خلصنا ومشينا
لما خلصنا حل الورقة رحت سلمتها للنقيب وليد واللى سلمت عليه هو والرائد زكى واللى كانوا بيراقبوا علينا فى الامتحان - او كانوا المفروض بيعملوا كدة يعنى :
- ورحت على احمد سعيد (العريف) وسلمت عليه وبسته .. الواد ده كان راجل معانا جدا .. لما شافنى وسلمت عليه قالى : بس والله شكلك بقى قمر اما حلقت 
شعور غريب كدة وانا بسلم على الناس اللى عاشرتهم اسبوعين وانا عارف انى تقريبا مش هاشوفهم تانى فى حياتى
موقف اثر فيا لما حازم رافت (مسلسل 12) قال لحسان عزولى (13) : نتقابل قريبا .. مع انهم ولا هايشوفوا بعض ولا هايتقابلوا تانى ولا معاهم نمر بعض ولا حتى بيخشوا نت عشان يشيتوا .. وواحد شغال فى التجارة والتانى شغال فى الجبس
حازم جه وهو طالع ع السلم وماشى راح مسلم عليا وقالى مش عاوز حاجة؟ ما قدرتش ارد .. فقد ضحكت ورفعت ايدى على بقى بستها ثم على دماغى بمعنى الف شكر
واما مايكل عزت (الحكمدار) واللى كنا بندله نقوله يا حيكو جه يسلم علينا ويقولنا فرصة سعيدة جدا ولا سامر رشدى اللى فضل قاعد لحد اخر لحظة بيحل وغشيت منه اسئلة كتير . انا فضلت احل اللى عارفه فى الامتحان لحد ما جمعت ف الاخر كام سؤال مش عارفهم رحت ناقلهم من سامر وحازم والشيخ كريم وكابتن اسامة عادل اللى كنت عرفت انه مدرب كاراتيه زيى
مانساش برضه الشلة اللذيذة دى بتاعة مسلسل 38 والشهير بماندو (الواد ده مسخرة . كان منظره يهلك م الضحك وهو عمال يغيظ العسكرى محمود امبارح بعد ما خلصنا امتحان العملى والطابور وطالعين المدرج وماشى يطلعله لسانه ويرقص كدة ويهز دراعاته) .. ومسلسل 31 والشهير بمهران وصاحب الكلمة اللى كان بيقولها على طول لاحمد سعيد (يا معلمى) .. ومسلسل 37 والشهير بكوتا او كوتة بتشديد التاء .. واللى كان قاعد فى البنش ورايا وكل ما اقوم واقعد يروح شايل الموبايل بتاعه بسرعة من ع البنش وخايف لاخبطه
ولا الناس المشاغبة اللى ارقامها بقت محفوظة .. محمد ابو لابتوب واللى بسببه عملنا البحث يدوى عشان بيقولوا انه اتفق مع المكتبات برة على الموضوع ده ونعمله كمبيوتر وظبطهم وكدة .. و107 و310 اللى كانوا ضيوف دائمين عند الظباط
الظباط بقى !!!! .. الرائد زكى (صاعقة) واللى كلمنا شوية صغيرين جدا اول يوم بس اللى كان حفلة تعارف عسكرية .. وشغلنا خمس دقايق فى طابور الصبح يوم الحد فى تانى اسبوع وخلانا نقول النشيد بتاع الصاعقة يوم التلات قبل نهاية الدورة ب3 ايام .. وهو اللى راقب علينا النهاردة اخر يوم فى الامتحان .. وكلمنا قبل الامتحان شوية .. الراجل ده فعلا انضف ظابط فيهم كلهم
النقيب وليد (مدرعات) محترم لاقصى حد وعلى طول ما يقولناش غير يا حضرات .. بس فيه سنة رخامة شوية كدة
اما بقى الرائد تامر زكى فده اوسخ مخلوق فى التربية العسكرية (مخابرات حربية) ثم الرائد محمود سيف النصر (اوسخ مخلوق بالتساوى) فى التربية العسكرية (استطلاع على ما اتذكر)
وطبعا المقدم حسن صفوت مدير الادارة . وهو تقريبا اللى علمهم الوساخة تبقى ازاى
كان فى واحد بييجى كل سنة مرة نشوفه ف الطابور ما اعرفش عنه حاجة غير انه حاطط نسر على كتافه يعنى رائد .. وفى المقدم عبد الرحمن ده برضه ما اتكلمش غير شوية كدة اول يوم وجالنا قعد معانا محاضرة مع النقيب وليد
العساكر بقى .. العريف احمد سعيد (بنى ادم محترم جدا) .. اول يوم خدنى مخالفتين شعر ودقن وكرهته اوى .. بس الايام اثبتت انه بنى ادم محترم لاقصى درجة
محمود .. ده توتو خالص وطول الدورة كنت عاوز امسكه اقسمه نصين .. عنده عقدة نقص فظيعة .. بس بعد ما سلمت على احمد (كان واقف جنبه) وخرجت م المدرج وانا نازل السلم م المبنى حسيت اد ايه الواد ده غلبان فحت .. لدرجة انى كنت هاطلع تانى اسلم عليه بس قلت لا خلاص انا عاوز اروح .. بس عموما اى شعور من جوايا بالكره ناحية توتو ده اعتقد انه راح وانا نازل ع السلم مش عارف ليه .. لا بس الواد الصراحة غلبان غلبان يعنى
منظره كان بيبقى وحش اوى لما مانرضاش نشتغل معاه ف طابور الصباح ونقول بصوت واطى وبعدين اول ما احمد هو اللى يشغلنا نرج الجامعة .. بمناسبة الطابور .. الطابور النهاردة كان لذيذ جدا .. احمد قعد يحاول يقولنا نشيد الصاعقة بس كان بيتلخبط وكلنا هلكنا م الضحك .. بعد ما حاول 3 مرات وماعرفش جاب واحد قالنا النشيد وف الاخر قال هو اخر 3 كلمات منه وراح مكمل بنشيد تانى بقى
كان بيقول واحنا نرد عليه .. تربية .. عسكرية .. جامعة .. عين شمس .. كلية .. تجارة .. رجالة .. كلية .. حقوق .. رجالة .. كلية .. اداب .. رجالة .. وفضل كدة زى ما نكون فى فرح وعمالين ننقط وحيى كلية كلية وف الاخر كلية تجارة احسن كلية احسن كلية
باقى الكليات كانوا واقفين برضه ف الطابور بس بعيد شوية .. قعدوا يهيصولنا لما حييناهم .. مش باقولكوا كان فرح
نسيت اقول ان النهاردة احمد قال ان دى احسن دفعة تجارة مسكها عشان ماعملتش مشاكل واشتغلوا كويس وكانوا رجالة يعنى
ايام فعلا مش هانساها .. وانا مروح ولحد ما ركبت وانا مش عارف اشيل الابتسامة العريضة من على شفتى وحاسس بميكس مشاعر غريبة .. فرحة انى خلصت اخيرا وضيق عشان مش هاشوف الناس دى تانى
قصص كتير وحكاوى كتير فى ذاكرتى عن الاسبوعين دول .. هاتضايق لما افتكرهم عشان عارف ان خلاص مفيش من ده تانى
كانت تجربة جميلة
اخيرا خلصت التربية العسكرية بتاعتى واللى استمرت من 9 اغسطس لحد النهاردة الصبح
الاول ده الجروب بتاع التربية العسكرية ع الفيس بوك للى اداها او لسة هاياديها
برغم كل شئ ..
بس والله كانت لذيذة
وحسيت انى زعلت او اتضايقت كدة لما خلصنا ومشينا
لما خلصنا حل الورقة رحت سلمتها للنقيب وليد واللى سلمت عليه هو والرائد زكى واللى كانوا بيراقبوا علينا فى الامتحان - او كانوا المفروض بيعملوا كدة يعنى :
- ورحت على احمد سعيد (العريف) وسلمت عليه وبسته .. الواد ده كان راجل معانا جدا .. لما شافنى وسلمت عليه قالى : بس والله شكلك بقى قمر اما حلقت شعور غريب كدة وانا بسلم على الناس اللى عاشرتهم اسبوعين وانا عارف انى تقريبا مش هاشوفهم تانى فى حياتى
موقف اثر فيا لما حازم رافت (مسلسل 12) قال لحسان عزولى (13) : نتقابل قريبا .. مع انهم ولا هايشوفوا بعض ولا هايتقابلوا تانى ولا معاهم نمر بعض ولا حتى بيخشوا نت عشان يشيتوا .. وواحد شغال فى التجارة والتانى شغال فى الجبس
حازم جه وهو طالع ع السلم وماشى راح مسلم عليا وقالى مش عاوز حاجة؟ ما قدرتش ارد .. فقد ضحكت ورفعت ايدى على بقى بستها ثم على دماغى بمعنى الف شكر
واما مايكل عزت (الحكمدار) واللى كنا بندله نقوله يا حيكو
جه يسلم علينا ويقولنا فرصة سعيدة جدا ولا سامر رشدى اللى فضل قاعد لحد اخر لحظة بيحل وغشيت منه اسئلة كتير . انا فضلت احل اللى عارفه فى الامتحان لحد ما جمعت ف الاخر كام سؤال مش عارفهم رحت ناقلهم من سامر وحازم والشيخ كريم وكابتن اسامة عادل اللى كنت عرفت انه مدرب كاراتيه زيىمانساش برضه الشلة اللذيذة دى بتاعة مسلسل 38 والشهير بماندو (الواد ده مسخرة . كان منظره يهلك م الضحك وهو عمال يغيظ العسكرى محمود امبارح بعد ما خلصنا امتحان العملى والطابور وطالعين المدرج وماشى يطلعله لسانه ويرقص كدة ويهز دراعاته) .. ومسلسل 31 والشهير بمهران وصاحب الكلمة اللى كان بيقولها على طول لاحمد سعيد (يا معلمى) .. ومسلسل 37 والشهير بكوتا او كوتة بتشديد التاء .. واللى كان قاعد فى البنش ورايا وكل ما اقوم واقعد يروح شايل الموبايل بتاعه بسرعة من ع البنش وخايف لاخبطه
ولا الناس المشاغبة اللى ارقامها بقت محفوظة .. محمد ابو لابتوب واللى بسببه عملنا البحث يدوى عشان بيقولوا انه اتفق مع المكتبات برة على الموضوع ده ونعمله كمبيوتر وظبطهم وكدة
.. و107 و310 اللى كانوا ضيوف دائمين عند الظباط الظباط بقى !!!! .. الرائد زكى (صاعقة) واللى كلمنا شوية صغيرين جدا اول يوم بس اللى كان حفلة تعارف عسكرية .. وشغلنا خمس دقايق فى طابور الصبح يوم الحد فى تانى اسبوع وخلانا نقول النشيد بتاع الصاعقة يوم التلات قبل نهاية الدورة ب3 ايام .. وهو اللى راقب علينا النهاردة اخر يوم فى الامتحان .. وكلمنا قبل الامتحان شوية .. الراجل ده فعلا انضف ظابط فيهم كلهم
النقيب وليد (مدرعات) محترم لاقصى حد وعلى طول ما يقولناش غير يا حضرات .. بس فيه سنة رخامة شوية كدة
اما بقى الرائد تامر زكى فده اوسخ مخلوق فى التربية العسكرية (مخابرات حربية) ثم الرائد محمود سيف النصر (اوسخ مخلوق بالتساوى) فى التربية العسكرية (استطلاع على ما اتذكر)
وطبعا المقدم حسن صفوت مدير الادارة . وهو تقريبا اللى علمهم الوساخة تبقى ازاى
كان فى واحد بييجى كل سنة مرة نشوفه ف الطابور ما اعرفش عنه حاجة غير انه حاطط نسر على كتافه يعنى رائد .. وفى المقدم عبد الرحمن ده برضه ما اتكلمش غير شوية كدة اول يوم وجالنا قعد معانا محاضرة مع النقيب وليد
العساكر بقى .. العريف احمد سعيد (بنى ادم محترم جدا) .. اول يوم خدنى مخالفتين شعر ودقن وكرهته اوى .. بس الايام اثبتت انه بنى ادم محترم لاقصى درجة
محمود .. ده توتو خالص وطول الدورة كنت عاوز امسكه اقسمه نصين .. عنده عقدة نقص فظيعة .. بس بعد ما سلمت على احمد (كان واقف جنبه) وخرجت م المدرج وانا نازل السلم م المبنى حسيت اد ايه الواد ده غلبان فحت
.. لدرجة انى كنت هاطلع تانى اسلم عليه بس قلت لا خلاص انا عاوز اروح .. بس عموما اى شعور من جوايا بالكره ناحية توتو ده اعتقد انه راح وانا نازل ع السلم مش عارف ليه .. لا بس الواد الصراحة غلبان غلبان يعنى منظره كان بيبقى وحش اوى لما مانرضاش نشتغل معاه ف طابور الصباح ونقول بصوت واطى وبعدين اول ما احمد هو اللى يشغلنا نرج الجامعة
.. بمناسبة الطابور .. الطابور النهاردة كان لذيذ جدا .. احمد قعد يحاول يقولنا نشيد الصاعقة بس كان بيتلخبط وكلنا هلكنا م الضحك .. بعد ما حاول 3 مرات وماعرفش جاب واحد قالنا النشيد وف الاخر قال هو اخر 3 كلمات منه وراح مكمل بنشيد تانى بقى كان بيقول واحنا نرد عليه .. تربية .. عسكرية .. جامعة .. عين شمس .. كلية .. تجارة .. رجالة .. كلية .. حقوق .. رجالة .. كلية .. اداب .. رجالة .. وفضل كدة زى ما نكون فى فرح وعمالين ننقط وحيى كلية كلية وف الاخر كلية تجارة احسن كلية احسن كلية
باقى الكليات كانوا واقفين برضه ف الطابور بس بعيد شوية .. قعدوا يهيصولنا لما حييناهم
.. مش باقولكوا كان فرحنسيت اقول ان النهاردة احمد قال ان دى احسن دفعة تجارة مسكها عشان ماعملتش مشاكل واشتغلوا كويس وكانوا رجالة يعنى
ايام فعلا مش هانساها .. وانا مروح ولحد ما ركبت وانا مش عارف اشيل الابتسامة العريضة من على شفتى وحاسس بميكس مشاعر غريبة .. فرحة انى خلصت اخيرا وضيق عشان مش هاشوف الناس دى تانى
قصص كتير وحكاوى كتير فى ذاكرتى عن الاسبوعين دول .. هاتضايق لما افتكرهم عشان عارف ان خلاص مفيش من ده تانى
كانت تجربة جميلة
