دبرت النهاردة زيارة للمقابر مع عيلتى
بقالى فترة بقول لبابا عايزين نروح نزور جدى وستى الله يرحمهم
وخليته يقول لاعمامى عشان نروح مع بعض
كان بقالهم سنتين تقريبا ماراحوش زاروا ابوهم وامهم
رحنا مقابر (جمعية قلتى) واللى كان جدى - الله يرحمه - احد مؤسسيها
مدفون هناك جدى وستى وبنت عمتى - اللى توفت من سنتين تقريبا - مع المتوفيين من منطقة (قلتى) بالمنوفية الله يرحمهم ويرحم امواتنا جميعا
قريت سورة (يس) .. وقعدت ادعى كتير اوى
وتقريبا اول مرة اكلم حد ميت كتير كدة
كتير فعلا
