تدوينة الجمعة هاتبقى تدوينة خاصة
هاكتب فيها حاجة انا كتبتها قبل كدة
ممكن اكون كتبتها فى مدونتى بشمساوى او فى اى موقع تانى
المهم انها هاتكون تدوينة تستحق انى اكتبها تانى
*******************************************************
تدوينة النهاردة هاتكون تدوينة عزيزة جدا على قلبى لانها فعلا غيرت فيا حاجات كتير
الموقف اللى حصللى فيها ده كان فى 1-6-2006
قانون صعب ومواصلات حقيرة وشعب تتمناه اى دولة
يلا بينا
=========================================
قانون المواصلات ... والشعب المصرى
فى التأنى السلامة
فى العجلة الندامة
كل تأخيرة وفيها خيرة
كل دى كانت جمل بسمعها وعادية بالنسبة لى للغاية
النهاردة بس فهمت معناها ةبجد وصدقتها وأوقنت بها لأقصى درجة
بدأ اليوم بكوباية قهوة
كنت هانزل اركب ميكروباص الصبح الساعة حوالى عشرة وتلت عشان اروح الجامعة استعد لامتحان القانون اللى عندى الساعة اتناشر
بس اتأخرت بسبب كوباية قهوة عطلتنى أقل من عشر دقايق
نزلت واول ما نزلت لقيت الميكروباص فى وشى
ركبته عادى جدا ووصلنا لحد التجنيد وهنا بدأت المعمعة
فجأة اكتشف السواق ان فى عجلة نايمة ولازم يقف يعملها
نزل الركاب كلهم وادى لكل واحد فلوسه
وانا وقفت مستنى الميكروباص اللى بعده
فى الواقع ما استنيتش كتير لانى كنت مستعجل جدا
وانا راكب فى الميكروباص كانت قاعدة جنبى بنت لمحت بطرق عينى معاها ملزمة كارفن فاستأذنتها انى ابص عليها عشان انا كنت ذاكرت من سندباد والمجد وكنت عاوز ابص على كارفن
فعلا مسكت كارفن وفوجئت بانها مليئة بالمعلومات اللى اول مرة اسمع عنها (الكلام ده قبل الامتحان بساعة ونص)
فلما نزلنا كنت مستعجل جدا وعاوز اروح الجامعة بسرعة عشان اقابل اى واحد اعرفه واخد منه الملزمة وابص فيها
وفعلا الاستعجال وحش
***
ماجاش ميكروباص لمدة حوالى دقيقة واحدة بس او اقل كمان
رحت معدى الشارع وقلت اركب اى ميكروباص من الناحية التانية لحد الالف مسكن ومن هناك اركب مترو عبد العزيز فهمى وانزل عند الجامعة
عادى جدا
فعلا ركبت ميكروباص وكانت اول غلطات اليوم
اول ما الميكروباص طلع وعدى على كوبرى جسر السويس ببص اكتشفت تحتى خط مترو كنت ناسيه تماما وكان ممكن انى اتمشى من عند التجنيد (مكان ما الميكروباص عطل) دقيقتين بس واوصل للمترو بس ماجاش على بالى
المهم انى نزلت الالف مسكن وفضلت ماشى لحد ما وصلت لاخر الخط بتاع مترو عبد العزيز فهمى (مسافة قد تقريبا ما بين الملعب بتاع تجارة وشعار الجامعة)
وفضلت مستنى كتير ومفيش غير مترو واحد بس اللى واقف وفى واحد تانى فى منطقة المناورات
وفضلت مستنى فترة ولما زهقت رحت للسواق وسألته هو هايطله امتى فقالى لما يخلص كوباية الشاى !!!
المهم استنيته لما خلص وطلع بالمترو
وبعد كام محطة بأفاجأ بانه وقف وهايرجع
بسأله انت مش رايح الجامعة؟
لقيته بيبرق كدة تبريقة واحد ما يعرفش يعنى ايه جامعة اساسا وقالى انه راجع تانى وان ده مترو الماظة
انا شكرته ونزلت جرى على المتروين اللى كانوا قدام المترو ده
دخلت الاول وسالته ان كان عبد العزيز فهمى فقالى ايوة وبعدها عرفت انه راجع الالف مسكن مش رايح
فعلى ما نزلت كان المترو اللى قدام خالص طلع وهو كان الميرغنى يعنى رايح الجامعة
فجريت وراه محطة كاملة وفى الاخر الحيوان مارضيش يقفلى وبينى وبينه زى كدة اللى بين الشعار وباب الجامعة
ومارضيش يقفلى
الكلام ده على الساعة حداشر تقريبا
فضلت واقف مستنى اى وسيلة مواصلات تانية ومش لاقى نهائيا
فضلت على الحال ده من حوالى حداشر ولحد اتناشر الا ربع
ساعة الا ربع كاملة مستنى مترو
ركبت المترو الرابع حوالى اتناشر الا ربع
عدت ربع ساعة والبيه لسة مامشيش محطتين على بعض
والاقى واحد بيقول انه لما بيبقى فاضى بيركبه
وواحد بيقول انهم كلهم دمهم بارد وماشيين على اقل من مهلهم
طبعا انا بشيط والامتحان بعد اقل من ربع ساعة
وبعدين على حوالى اتناشر وقف خالص وفضل واقف مستنى مش عارفين هومستنى ايه
واتضحلى بعد كدة ان امين شرطة حيوان موقف الطريق كله كدة من غير سبب
المترو والاتوبيسات والملاكى والاجرة والميكروباصات وكله
موقفهم كدة رخامة او اتاوة
المهم ان المترو وصل روكسى وفضل واقف برضه من غير سبب عشان نعرف بعد كدة ان السواق بيشرب شاى وبيدردش مع سواق زميل
ساعتها كمانت الساعة اتناشر وربع
والناس عمالين يهدوا فيا خلاص اهدى يا كابتن ان شاء الله هاتلحق هاتوصل ان شاء الله ماتخافش
بصراحة انا مستخسر كل ده انى بعد ما ضيعت كل الوقت الرهيب ده فحرام انزل دلوقتى ادور على وسيلة مواصلات تانية
واساسا خلاص احنا شبه وصلنا فحرام يعنى
وكل الوقت اللى فات ده وانا بيمر قدامى حاجات كتير
تخيلت انى مش هاوصل وانهم هايرفضوا يدخلونى
وعدى قدامى شريط سنة اولى لما سقطت فى نفس المادة (القانون) وان المادة رخمة اساسا وكلها بتعتمد على الحفظ والصم ومحتاجة وقت
وبرضه استعرضت امتحان المحاسبة اللى الواحد ماكانشى فاضى انه يهرش فيه والناس سابت الورقة وفى سؤال او اتنين من غير اجابة بالرغم من انهم عارفين الاجابة بس مفيش وقت للحل
وامتحان الاحصاء اللى لو كانت ايدى فى حالتها كنت خلصته فى ساعة الا ربع او ساعة ومشيت لكن بسبب المشكلة اللى فى ايدى خلصت الامتحان يا دوب فى ساعتين الا ربع تقريبا
وانا فى ايدى حاجة كدة زى نتوء عظمى فى الرسغ بيخلينى مش قادر احرك المعصم كويس وبيصعب الموضوع فى الكتابة اوى وهو اللى اخرنى فى الاحصاء
وربطت بين كل ده وان الامتحان هايبقى طويل وصعب ومش هالحق اكتب اساسا
وكل ده وانا بشيط
وعمال الوم نفسى انى كنت مستعجل ساعة الميكروباص العطلان وقلت عشان اروح بسرعة عاوز اركب مترو وانى لو كنت استنين شوية كان لميكروباص اللى بعده جه فاضى ووصلت بدرى
واستعرضت قدامى انى لو ماكنتش شربت كوباية القهوة بتاعة الصبح كنت هانزل بدرى ولو دقيقة واحدة او دقيقتين وكان ممكن انى الحق الميكروباص اللى قبل اللى عطل وبالتالى كنت هاوصل بدون مشاكل
لكنها الاقدار
ماحدش عارف ايه اللى هايحصل بعد خمس دقايق من الان
المهم انى لما قلت ان امتحانى بدا من ربع ساعة فجاة الاقى واحد بيقولى طب وما ركبتش تاكسى ليه؟ فرد عليه واحد تانى يمكن ماعاهوش فلوس .
وفجاة
الاقى كل المحيطين بيا بيمدوا ايديهم فى جيوبهم وكله عاوز يدينى حق التاكسى
وقفة بقى هنا
عاوز اقف عند النقطة دى شوية
الموقف ده أثر فى بشكل بشع يا جماعة
انا فعلا مش قادر اوصف انا حسيت بايه فى اللحظة دى
كل الناس عاوزين يساعدوا والكل عاوز يخدم واحد غريب ممكنيكون نصاب وعاوز يضحك عليهم بس لان الشعب شهم ورجولى واصيل فلازم يعمل اللى عليه
ما تتصوروش انا كان احساسى ايه ساعتها
لكن فعلا الشعب المصرى يا جماعى شعب اصيل اصيل اصيل بالرغم من كل اللى بيعمله واللى بيشوه فى صورته
لكن عند الازمات
شعب راجل
عودة الى المترو
انا لما حصل معايا الموقف ده نزلت جرى من المترو وطلعت اجرى اجرى بدون هدف وبدون غاية
بجرى وخلاص
بس ما نسيتش وانا بجرى اول ما نزلت من المترو انى أتف عليه !!!
المهم بقيت بجرى ومش عارف رجلى موديانى فين
وفجاة لقيت نفسى فى مكان غريب والبنزين خلص وببص فى الساعة لقيتها حوالى اتناشر وتلت
وقعت على الارض ساعتها وانهرت
تخيل شعور واحد عنده امتحان فات ربعه ومادة صعبة بل ومش عارف هو فين اساسا
المهم انى وقفت وقلت انى لازم اجرى وخلاص واسع يا عبد وانا اسعى معاك
انا جريت النهاردة جرى لو بجرى على أكل عيشى ماكنتش جريته
انا اساسا راجل رياضى وكنت بمارس رياضة قبل كدة وكانت شهرتى فى النادى : اللى ما بيتعبش
لانى كنت مهما كان المجهود المبذول ومهما كان الحمل التدريبى والمدة اللى بيطول فيها التدريب مش بتعب ابدا وبروح اتمرن تمرينات اضافية لوحدى
دلوقتى بقيت بجرى فى المكان
تخيل اسرع سلحفاة على وجه الارض وهى بتجرى
بقيت بمشى
وبعدين بمشى بالراحة
وفى مرحلة من المراحل كنت بحبو
المهم انى فجاة لقيت نفسى عند مستشفى منشية البكرى
المنظر ده (بتاع المستشفى) ادانى طاقة رهيبة ان فى امل
انا بصراحة مش عراف انا رحت هناك ازاى
انا كل اللى فاكره انى لما نزلت من المترو طلعت اجرى وعديت على كلية تربية وبعدين فجاة لقيت نفسى بخش فى سكك غريبة وشوارع عجيبة كدة وفجاة لقيت رجلى وديتنى هناك
اقدر اقول ان ده قدر ربانى
او دى حاجة من عند ربنا
المهم طلعت على الشارع بعد اشارة روكسى على طول ووقفت ميكروباص
اول ما الناس شافونى لقيت التباع عمال يضحك ويتريق عليا ويقولى ..... مش فاكر بصراحة قال ايه بس هو كان استنكار
المهم انا ما عبرتش الموضوع ده (فى وقت تانى كان ممكن اكسر سنان التباع) وقلتله عندى امتحان بدأ من تلت ساعة
فجاة حسيت ان الجو اتكهرب
كان قاعد جنبى اتنين ستات كبار غلابة فضلوا يدعولى طول الطريق وواحدة فضلت تقول للسواق شهل يا اسطى سوق بسرعة الله يخليك وحاجات بالشكل ده
والسواق نفسه مكانشى مستنى انها تعمل كدة
اول مرة اشوف فى حياتى سواق بالشكل ده
انا قلتلكوا ان الشعب المصرى عند الازمات بيبقى اكتر من الاخوات
الراجل بالرغم من ان حوالى ربع العربية فاضية بس مشى خط واحد وماركبش حد وساق بسرعة ما تقلش عن 100 او 120 !!!!!!
وطول الطريق الستات الغلابة بيدعولى
انا وانا فى الميكروباص انقلب احساسى عن احساس المترو 180 درجة تقريبا
نسيت الامتحان ونسيت المادة ونسيت كل حاجة
وماكانشى فى بالى بس غير انه يمكن ربنا حطنى فى الموقف ده وانا اتاخرت عشان اركب فى الميكروباص ده بالذات مع الاتنين ستات دول بالذات عشان خاطر الدعوة دى؟
المهم ان السواق نزلنى قدام الجامعة بالظبط وانا من قبل الميكروباص ما يقف كنت بجرى فى الشارع اساسا
ولما وصلت قبل المبنى بشوية كان البنزين خلص بمعنى الكلمة
بقيت بمشى بس
ووانا ماشى دست برجلى على ملزمة كانت السبب فى بوظان اليوم كله لانى استعجلت عشان اعرف اروح الجامعة بسرعة واذاكرها
وبعدين وانا طالع السلالم بقيت ساند بكل تقلى على ايدى اللى حاططها على رجلى وانا بطلع عشان بقيت مش قادر حتى اقف
ومن كتر ما بنهج تعبت
يعنى الواحد لو جرى فترة بيتعب
وحتى لو قعد فترة بيتعب
ولو بذل مجهود بيتعب
انا تعبت من كتر ما بنهج
بقيت بنهج بطريقة مضحكة اوى
مشيت فى الدور ووصلت وانا عبارة عن واحد لسة طالع من البحر
انا ما قولتش خلال الوصف ان اثناء الانتظار كانت الحرارة حارقة والشمس ملهلبة والجو يقرف العادى فمابالك باللى زيى؟
وصلت اللجنة وانا مش طايق نفسى ولا الجو ولا الحر ولا اى حاجة
كنت رابط ايدى برباط ضاغط ففكيته وحطيته قدامى وقلعت النضارة لانها كانت تقيلة جدا على وشى وماكنتش مستحمل تقلها الرهيب
المراقبة جابتلى ازازة ميا خلصتها كلها وجابتلى ازازة تانية وغسلت وشى
بطلع القلم من جيبى لقيته اتكسر ولقيت اللجنة كلها بتعرض عليا تدينى قلم احل بيه بدل للى اتكسر
الامتحان نفسه بقى كان تافه لأقصى درجة ولله الحمد
انا لو كنت فى ظروف طبيعية كنت ما أقبلش اجيب اقل من امتياز فيه
لكن انا مش عارف حليت ازاى
حليت بدون تركيز وبدون ادراك او مراجعة
سبت ايدى تكتب اللى تكتبه وبالخط اللى يعجبعا
وخلصت الساعة واحدة
نصف ساعة فقط كانت كفيلة بانى اخلص الامتحان كله الاربعة اسئلة بالرغم من انه كان طالب منى احل تلاتة منهم بس
وخرجت من اللجنة وانا التعب حالل عليا بشكل بشع
ووقفت استنى الملزمة بتاعة المادة الجديدة برة الجامعة
وفضلت واقف مستنيها ساعة ونص
الساعة ونص دى بقى قيمت اليوم كله فيها
ياااااااااااااااه
***
لو كنت ما شربتش كوباية القهوة ونزلت بدرى كان كل ده مش هايحصل
لو كنت مثلا نسيت حاجة ودخلت اجيبها تانى من جوة من اوضتى قبل ما انزل كنت هاتعطل ولو دقيقة وكنت مش هالحق الميكروباص اللى اتعطل وكنت هاخد اللى بعده
لو كنت نزلت متأخر كنت هاوصل بدرى !!!
لو كنت وقفت وعطلت نفسى واستنين الميكروباص التالى بعد ما الاولانى اتعطل كنت هاوصل بدرى عن انى استعجل وادور على المترو وما شابه
يعنى لو كنت استنيت وقبلت بتضييع الوقت كنت هاروح بدرى ولو ماكنتش حاولت انى استعجل او اوصل بدرى كنت كنت هاروح متأخر وده اللى حصل فعلا
دى بقى حكمة من ربنا خبيرة جدا
مش يمكن لو كنت وصل بدرى كنت مسكت الملزمة اللى كنت عاوزها وذاكرتها والمعلومات اتلخبطت فى دماغى ودخلت مش هاحل حاجة؟
ودلوقتى لما دخلت باللى فى دماغى حليت حلو مع العلم بانى اتدعالى النهاردة بالتوفيق والنجاح من كل اللى قابلونى النهاردة وعاصروا المشكلة؟؟؟
دى بقى حكمة ربانية
فعلا
الانسان مش عارف ايه الصح وايه الغلط
يمكن تكون حاجة انت شايفها صح وافضل وبالرغم من كدة تضرك عن حاجة انت مش شايفها الاصح
يمكن لو انت كنت عاوز حاجة معينة وما اتحققتش وزعلت عليها فرضا انها كانت اتحققت يمكن كانت تحصل كارثة بسببها؟
يمكن انت مشيت فى طريق عكس الطريق اللى انت عاوزه ؟ لكن يا ترى النتيجة؟
عمرك ما هاتقدر تعرف
اخيرا
الحمد للـــــــــــــــــه
هاكتب فيها حاجة انا كتبتها قبل كدة
ممكن اكون كتبتها فى مدونتى بشمساوى او فى اى موقع تانى
المهم انها هاتكون تدوينة تستحق انى اكتبها تانى
*******************************************************
تدوينة النهاردة هاتكون تدوينة عزيزة جدا على قلبى لانها فعلا غيرت فيا حاجات كتير
الموقف اللى حصللى فيها ده كان فى 1-6-2006
قانون صعب ومواصلات حقيرة وشعب تتمناه اى دولة
يلا بينا
=========================================
قانون المواصلات ... والشعب المصرى
فى التأنى السلامة
فى العجلة الندامة
كل تأخيرة وفيها خيرة
كل دى كانت جمل بسمعها وعادية بالنسبة لى للغاية
النهاردة بس فهمت معناها ةبجد وصدقتها وأوقنت بها لأقصى درجة
بدأ اليوم بكوباية قهوة
كنت هانزل اركب ميكروباص الصبح الساعة حوالى عشرة وتلت عشان اروح الجامعة استعد لامتحان القانون اللى عندى الساعة اتناشر
بس اتأخرت بسبب كوباية قهوة عطلتنى أقل من عشر دقايق
نزلت واول ما نزلت لقيت الميكروباص فى وشى
ركبته عادى جدا ووصلنا لحد التجنيد وهنا بدأت المعمعة
فجأة اكتشف السواق ان فى عجلة نايمة ولازم يقف يعملها
نزل الركاب كلهم وادى لكل واحد فلوسه
وانا وقفت مستنى الميكروباص اللى بعده
فى الواقع ما استنيتش كتير لانى كنت مستعجل جدا
وانا راكب فى الميكروباص كانت قاعدة جنبى بنت لمحت بطرق عينى معاها ملزمة كارفن فاستأذنتها انى ابص عليها عشان انا كنت ذاكرت من سندباد والمجد وكنت عاوز ابص على كارفن
فعلا مسكت كارفن وفوجئت بانها مليئة بالمعلومات اللى اول مرة اسمع عنها (الكلام ده قبل الامتحان بساعة ونص)
فلما نزلنا كنت مستعجل جدا وعاوز اروح الجامعة بسرعة عشان اقابل اى واحد اعرفه واخد منه الملزمة وابص فيها
وفعلا الاستعجال وحش
***
ماجاش ميكروباص لمدة حوالى دقيقة واحدة بس او اقل كمان
رحت معدى الشارع وقلت اركب اى ميكروباص من الناحية التانية لحد الالف مسكن ومن هناك اركب مترو عبد العزيز فهمى وانزل عند الجامعة
عادى جدا
فعلا ركبت ميكروباص وكانت اول غلطات اليوم
اول ما الميكروباص طلع وعدى على كوبرى جسر السويس ببص اكتشفت تحتى خط مترو كنت ناسيه تماما وكان ممكن انى اتمشى من عند التجنيد (مكان ما الميكروباص عطل) دقيقتين بس واوصل للمترو بس ماجاش على بالى
المهم انى نزلت الالف مسكن وفضلت ماشى لحد ما وصلت لاخر الخط بتاع مترو عبد العزيز فهمى (مسافة قد تقريبا ما بين الملعب بتاع تجارة وشعار الجامعة)
وفضلت مستنى كتير ومفيش غير مترو واحد بس اللى واقف وفى واحد تانى فى منطقة المناورات
وفضلت مستنى فترة ولما زهقت رحت للسواق وسألته هو هايطله امتى فقالى لما يخلص كوباية الشاى !!!
المهم استنيته لما خلص وطلع بالمترو
وبعد كام محطة بأفاجأ بانه وقف وهايرجع
بسأله انت مش رايح الجامعة؟
لقيته بيبرق كدة تبريقة واحد ما يعرفش يعنى ايه جامعة اساسا وقالى انه راجع تانى وان ده مترو الماظة
انا شكرته ونزلت جرى على المتروين اللى كانوا قدام المترو ده
دخلت الاول وسالته ان كان عبد العزيز فهمى فقالى ايوة وبعدها عرفت انه راجع الالف مسكن مش رايح
فعلى ما نزلت كان المترو اللى قدام خالص طلع وهو كان الميرغنى يعنى رايح الجامعة
فجريت وراه محطة كاملة وفى الاخر الحيوان مارضيش يقفلى وبينى وبينه زى كدة اللى بين الشعار وباب الجامعة
ومارضيش يقفلى
الكلام ده على الساعة حداشر تقريبا
فضلت واقف مستنى اى وسيلة مواصلات تانية ومش لاقى نهائيا
فضلت على الحال ده من حوالى حداشر ولحد اتناشر الا ربع
ساعة الا ربع كاملة مستنى مترو
ركبت المترو الرابع حوالى اتناشر الا ربع
عدت ربع ساعة والبيه لسة مامشيش محطتين على بعض
والاقى واحد بيقول انه لما بيبقى فاضى بيركبه
وواحد بيقول انهم كلهم دمهم بارد وماشيين على اقل من مهلهم
طبعا انا بشيط والامتحان بعد اقل من ربع ساعة
وبعدين على حوالى اتناشر وقف خالص وفضل واقف مستنى مش عارفين هومستنى ايه
واتضحلى بعد كدة ان امين شرطة حيوان موقف الطريق كله كدة من غير سبب
المترو والاتوبيسات والملاكى والاجرة والميكروباصات وكله
موقفهم كدة رخامة او اتاوة
المهم ان المترو وصل روكسى وفضل واقف برضه من غير سبب عشان نعرف بعد كدة ان السواق بيشرب شاى وبيدردش مع سواق زميل
ساعتها كمانت الساعة اتناشر وربع
والناس عمالين يهدوا فيا خلاص اهدى يا كابتن ان شاء الله هاتلحق هاتوصل ان شاء الله ماتخافش
بصراحة انا مستخسر كل ده انى بعد ما ضيعت كل الوقت الرهيب ده فحرام انزل دلوقتى ادور على وسيلة مواصلات تانية
واساسا خلاص احنا شبه وصلنا فحرام يعنى
وكل الوقت اللى فات ده وانا بيمر قدامى حاجات كتير
تخيلت انى مش هاوصل وانهم هايرفضوا يدخلونى
وعدى قدامى شريط سنة اولى لما سقطت فى نفس المادة (القانون) وان المادة رخمة اساسا وكلها بتعتمد على الحفظ والصم ومحتاجة وقت
وبرضه استعرضت امتحان المحاسبة اللى الواحد ماكانشى فاضى انه يهرش فيه والناس سابت الورقة وفى سؤال او اتنين من غير اجابة بالرغم من انهم عارفين الاجابة بس مفيش وقت للحل
وامتحان الاحصاء اللى لو كانت ايدى فى حالتها كنت خلصته فى ساعة الا ربع او ساعة ومشيت لكن بسبب المشكلة اللى فى ايدى خلصت الامتحان يا دوب فى ساعتين الا ربع تقريبا
وانا فى ايدى حاجة كدة زى نتوء عظمى فى الرسغ بيخلينى مش قادر احرك المعصم كويس وبيصعب الموضوع فى الكتابة اوى وهو اللى اخرنى فى الاحصاء
وربطت بين كل ده وان الامتحان هايبقى طويل وصعب ومش هالحق اكتب اساسا
وكل ده وانا بشيط
وعمال الوم نفسى انى كنت مستعجل ساعة الميكروباص العطلان وقلت عشان اروح بسرعة عاوز اركب مترو وانى لو كنت استنين شوية كان لميكروباص اللى بعده جه فاضى ووصلت بدرى
واستعرضت قدامى انى لو ماكنتش شربت كوباية القهوة بتاعة الصبح كنت هانزل بدرى ولو دقيقة واحدة او دقيقتين وكان ممكن انى الحق الميكروباص اللى قبل اللى عطل وبالتالى كنت هاوصل بدون مشاكل
لكنها الاقدار
ماحدش عارف ايه اللى هايحصل بعد خمس دقايق من الان
المهم انى لما قلت ان امتحانى بدا من ربع ساعة فجاة الاقى واحد بيقولى طب وما ركبتش تاكسى ليه؟ فرد عليه واحد تانى يمكن ماعاهوش فلوس .
وفجاة
الاقى كل المحيطين بيا بيمدوا ايديهم فى جيوبهم وكله عاوز يدينى حق التاكسى
وقفة بقى هنا
عاوز اقف عند النقطة دى شوية
الموقف ده أثر فى بشكل بشع يا جماعة
انا فعلا مش قادر اوصف انا حسيت بايه فى اللحظة دى
كل الناس عاوزين يساعدوا والكل عاوز يخدم واحد غريب ممكنيكون نصاب وعاوز يضحك عليهم بس لان الشعب شهم ورجولى واصيل فلازم يعمل اللى عليه
ما تتصوروش انا كان احساسى ايه ساعتها
لكن فعلا الشعب المصرى يا جماعى شعب اصيل اصيل اصيل بالرغم من كل اللى بيعمله واللى بيشوه فى صورته
لكن عند الازمات
شعب راجل
عودة الى المترو
انا لما حصل معايا الموقف ده نزلت جرى من المترو وطلعت اجرى اجرى بدون هدف وبدون غاية
بجرى وخلاص
بس ما نسيتش وانا بجرى اول ما نزلت من المترو انى أتف عليه !!!
المهم بقيت بجرى ومش عارف رجلى موديانى فين
وفجاة لقيت نفسى فى مكان غريب والبنزين خلص وببص فى الساعة لقيتها حوالى اتناشر وتلت
وقعت على الارض ساعتها وانهرت
تخيل شعور واحد عنده امتحان فات ربعه ومادة صعبة بل ومش عارف هو فين اساسا
المهم انى وقفت وقلت انى لازم اجرى وخلاص واسع يا عبد وانا اسعى معاك
انا جريت النهاردة جرى لو بجرى على أكل عيشى ماكنتش جريته
انا اساسا راجل رياضى وكنت بمارس رياضة قبل كدة وكانت شهرتى فى النادى : اللى ما بيتعبش
لانى كنت مهما كان المجهود المبذول ومهما كان الحمل التدريبى والمدة اللى بيطول فيها التدريب مش بتعب ابدا وبروح اتمرن تمرينات اضافية لوحدى
دلوقتى بقيت بجرى فى المكان
تخيل اسرع سلحفاة على وجه الارض وهى بتجرى
بقيت بمشى
وبعدين بمشى بالراحة
وفى مرحلة من المراحل كنت بحبو
المهم انى فجاة لقيت نفسى عند مستشفى منشية البكرى
المنظر ده (بتاع المستشفى) ادانى طاقة رهيبة ان فى امل
انا بصراحة مش عراف انا رحت هناك ازاى
انا كل اللى فاكره انى لما نزلت من المترو طلعت اجرى وعديت على كلية تربية وبعدين فجاة لقيت نفسى بخش فى سكك غريبة وشوارع عجيبة كدة وفجاة لقيت رجلى وديتنى هناك
اقدر اقول ان ده قدر ربانى
او دى حاجة من عند ربنا
المهم طلعت على الشارع بعد اشارة روكسى على طول ووقفت ميكروباص
اول ما الناس شافونى لقيت التباع عمال يضحك ويتريق عليا ويقولى ..... مش فاكر بصراحة قال ايه بس هو كان استنكار
المهم انا ما عبرتش الموضوع ده (فى وقت تانى كان ممكن اكسر سنان التباع) وقلتله عندى امتحان بدأ من تلت ساعة
فجاة حسيت ان الجو اتكهرب
كان قاعد جنبى اتنين ستات كبار غلابة فضلوا يدعولى طول الطريق وواحدة فضلت تقول للسواق شهل يا اسطى سوق بسرعة الله يخليك وحاجات بالشكل ده
والسواق نفسه مكانشى مستنى انها تعمل كدة
اول مرة اشوف فى حياتى سواق بالشكل ده
انا قلتلكوا ان الشعب المصرى عند الازمات بيبقى اكتر من الاخوات
الراجل بالرغم من ان حوالى ربع العربية فاضية بس مشى خط واحد وماركبش حد وساق بسرعة ما تقلش عن 100 او 120 !!!!!!
وطول الطريق الستات الغلابة بيدعولى
انا وانا فى الميكروباص انقلب احساسى عن احساس المترو 180 درجة تقريبا
نسيت الامتحان ونسيت المادة ونسيت كل حاجة
وماكانشى فى بالى بس غير انه يمكن ربنا حطنى فى الموقف ده وانا اتاخرت عشان اركب فى الميكروباص ده بالذات مع الاتنين ستات دول بالذات عشان خاطر الدعوة دى؟
المهم ان السواق نزلنى قدام الجامعة بالظبط وانا من قبل الميكروباص ما يقف كنت بجرى فى الشارع اساسا
ولما وصلت قبل المبنى بشوية كان البنزين خلص بمعنى الكلمة
بقيت بمشى بس
ووانا ماشى دست برجلى على ملزمة كانت السبب فى بوظان اليوم كله لانى استعجلت عشان اعرف اروح الجامعة بسرعة واذاكرها
وبعدين وانا طالع السلالم بقيت ساند بكل تقلى على ايدى اللى حاططها على رجلى وانا بطلع عشان بقيت مش قادر حتى اقف
ومن كتر ما بنهج تعبت
يعنى الواحد لو جرى فترة بيتعب
وحتى لو قعد فترة بيتعب
ولو بذل مجهود بيتعب
انا تعبت من كتر ما بنهج
بقيت بنهج بطريقة مضحكة اوى
مشيت فى الدور ووصلت وانا عبارة عن واحد لسة طالع من البحر
انا ما قولتش خلال الوصف ان اثناء الانتظار كانت الحرارة حارقة والشمس ملهلبة والجو يقرف العادى فمابالك باللى زيى؟
وصلت اللجنة وانا مش طايق نفسى ولا الجو ولا الحر ولا اى حاجة
كنت رابط ايدى برباط ضاغط ففكيته وحطيته قدامى وقلعت النضارة لانها كانت تقيلة جدا على وشى وماكنتش مستحمل تقلها الرهيب
المراقبة جابتلى ازازة ميا خلصتها كلها وجابتلى ازازة تانية وغسلت وشى
بطلع القلم من جيبى لقيته اتكسر ولقيت اللجنة كلها بتعرض عليا تدينى قلم احل بيه بدل للى اتكسر
الامتحان نفسه بقى كان تافه لأقصى درجة ولله الحمد
انا لو كنت فى ظروف طبيعية كنت ما أقبلش اجيب اقل من امتياز فيه
لكن انا مش عارف حليت ازاى
حليت بدون تركيز وبدون ادراك او مراجعة
سبت ايدى تكتب اللى تكتبه وبالخط اللى يعجبعا
وخلصت الساعة واحدة
نصف ساعة فقط كانت كفيلة بانى اخلص الامتحان كله الاربعة اسئلة بالرغم من انه كان طالب منى احل تلاتة منهم بس
وخرجت من اللجنة وانا التعب حالل عليا بشكل بشع
ووقفت استنى الملزمة بتاعة المادة الجديدة برة الجامعة
وفضلت واقف مستنيها ساعة ونص
الساعة ونص دى بقى قيمت اليوم كله فيها
ياااااااااااااااه
***
لو كنت ما شربتش كوباية القهوة ونزلت بدرى كان كل ده مش هايحصل
لو كنت مثلا نسيت حاجة ودخلت اجيبها تانى من جوة من اوضتى قبل ما انزل كنت هاتعطل ولو دقيقة وكنت مش هالحق الميكروباص اللى اتعطل وكنت هاخد اللى بعده
لو كنت نزلت متأخر كنت هاوصل بدرى !!!
لو كنت وقفت وعطلت نفسى واستنين الميكروباص التالى بعد ما الاولانى اتعطل كنت هاوصل بدرى عن انى استعجل وادور على المترو وما شابه
يعنى لو كنت استنيت وقبلت بتضييع الوقت كنت هاروح بدرى ولو ماكنتش حاولت انى استعجل او اوصل بدرى كنت كنت هاروح متأخر وده اللى حصل فعلا
دى بقى حكمة من ربنا خبيرة جدا
مش يمكن لو كنت وصل بدرى كنت مسكت الملزمة اللى كنت عاوزها وذاكرتها والمعلومات اتلخبطت فى دماغى ودخلت مش هاحل حاجة؟
ودلوقتى لما دخلت باللى فى دماغى حليت حلو مع العلم بانى اتدعالى النهاردة بالتوفيق والنجاح من كل اللى قابلونى النهاردة وعاصروا المشكلة؟؟؟
دى بقى حكمة ربانية
فعلا
الانسان مش عارف ايه الصح وايه الغلط
يمكن تكون حاجة انت شايفها صح وافضل وبالرغم من كدة تضرك عن حاجة انت مش شايفها الاصح
يمكن لو انت كنت عاوز حاجة معينة وما اتحققتش وزعلت عليها فرضا انها كانت اتحققت يمكن كانت تحصل كارثة بسببها؟
يمكن انت مشيت فى طريق عكس الطريق اللى انت عاوزه ؟ لكن يا ترى النتيجة؟
عمرك ما هاتقدر تعرف
اخيرا
الحمد للـــــــــــــــــه
ليست هناك تعليقات:
إرسال تعليق