تذكرة الاول بس بالاغنية تانى:
ـــــــــــــــــــــــــــــــــــــــــــــــــــــــــــــــــ
رائعة عزيز الشافعى ورامى جمال
يا بلادى يا بلادى .. انا بحبك يا بلادى
قولوا لامى ماتزعليش .. وحياتى عندك ماتعيطيش
قولولها معلش يا امى .. اموت اموت وبلدنا تعيش
امانة تبوسولى ايديها .. وتسلمولى على بلادى
ف جسمى نار ورصاص وحديد .. علمك ف ايدى واسمى شهيد
بودع الدنيا وشايفك .. يا مصر حلوة ولابسة جديد
لاخر نفس فيا بنادى .. بموت وانا بحب بلادى
طايرين ملايكة حواليا طير .. لحظة فراقك يا حبيبتى غير
هامشى معاهم وهاسيبك .. واشوف يا مصر وشك بخير
قالولى يلا ع الجنة .. قلتلهم الجنة بلادى
ـــــــــــــــــــــــــــــــــــــــــــــــــــــــــــــــــ
أيا كان مدى تأثرك بالاغنية دى
مش هايكون اد اللى نزل التحرير
واللى شاف الناس دى جنبه
واللى اتعرض لنفس اللى اتعرضوله
اللى بات ف التحرير وساب بيته واهله
اللى عاش بالايام ع الكشرى والفول وكل وهو بيقول ادى الكنتاكى
اللى وقف ف طابور بالساعات عشان يخش الحمام
أيا كان مدى تأثرك بالأغنية دى
مش هايبقى زى واحد من أهل التحرير
اللى كان ممكن اى واحد فيهم يموت ف أى وقت
واللى عملوا كل ده
عشان ف الاخر
فترة الرياسة تبقى 4 سنين ومراة الرئيس ماتبقاش اجنبية
لو واحد م الشهدا صحى م الموت وعرف اللى حصل بعد ما مات
اعتقد كان هايقول: "صحيح .. اللى يمشى ورا العيال"
انا اسف يا شهيد
هناك 3 تعليقات:
مساء الخير ..
بوست شديد الروعة..
اسعدني قراءته..
فعلاً لقد بذل هؤلاء حياتهم ولكن كانت النتيجة النصر..
انتظر زيارتك..
خالص تحياتي
أحمد
مفيش أسوأ وأسود من اللي كنا فيه
هاتحلى..والله هاتحلى يا عمرو
بكرة الكريم يبعت مدد
اخي الكري ،، عمرو
يسعدني العثور بمدونتك والمرور ،، بالنسبة للاغنية فهي جميلة جدا وكلماتها اجمل واجمل ، اما بالنسبة للمستقبل ، فعندي امل بأن الغد أفضل وافضل ، طالما عندنا ثقة بالله وبسواعد أبنائنا ،، يمكن نتائج الثورة لم تكن على قدر التضحيات ودماء الشهداء ، بس تأكد بأن الشهداء قد نالوا جزائهم الحسن ، فهم الآن بالجنة غير آبهين بما يحدث على الارض ،، رحم الله الشهداء وجمعنا بهم في الفردوس الاعلى من الجنة , وحفظ الله مصر وشعبها من كل شر وسوء ..
تقبل مروري وخالص تحيتي.
إرسال تعليق