احنا شعب طيب
عمرنا ما كنا ناكرين للجميل
وعمرنا ما كنا بنكن الشر لحد
بنسامح بسرعة وبنحب كل الناس!
شعب طيب
وعمرنا ما هاننسى ان لولا ربنا, ثم شعب تونس .. ماكناش اتحررنا
ماكانش زماننا دلوقتى فخورين بالحرية ولا بنتكلم بحرية ومش خايفين
ماكانش زماننا دلوقتى بنقول احنا اسقطنا طاغية
30 سنة وما اسقطناش الطاغية
لحد ما شعب تونس اتحرك
ولاول مرة اكون انا كعمرو فرحان ومبسوط ان فى حد عربى غير مصر كان ليه الريادة فى حاجة
اذا كانت مصر هاتكون الثانى او تابع فى حاجة معينة .. فلتكن هى دى الحاجة دى
ان شعب تونس كان السبب الرئيسى - بعد ربنا - فى ان الشعب المصرى يطلب حقه
وانه فجاة يستوعب اد ايه الموضوع كان بسيط
بس شعب تونس ازاح الغمة من على عينيه عشان يشوف البساطة دى
شعب تونس اللى لما المصريين هربوا من جحيم القذافى على الحدود الليبية التونسية استقبلوه
مش بالورود
لا
استقبلوه بالاكل والشرب والغطا والحماية
برغم كل المشاكل اللى عندهم اللى مكفياهم
بس هما كانوا مهتمين
واستقبلونا واحسنوا استقبالنا
وعملوا اللى يخلينا نشيلهم فوق راسنا طول العمر
عمرنا ما كنا ناكرين للجميل
وعمرنا ما حبينا الاساءة لحد
واذا كان فى مصرى اساء لتونس ولشعب تونس
فانا عن نفسى بعتذر
بعتذر لتونس ولشعب تونس
وده من شيم الكبار
الاعتذار عند الخطا
والسماح وقبول الاعتذار
اسفين يا تونس

ليست هناك تعليقات:
إرسال تعليق