عاطف السكرى

 الذكرى الرابعة

رحم الله يونس شلبى

11-11-11-11-11

 

 

 

سامو عليكو

 

النهاردة 11 شهر 11 سنة 11 ودلوقتى الساعة 11 الدقيقة 11

 

قلت بس احط البوست وبعدين اقولكوا اللى عايز اقوله كمان شوية

 

 

السماعليكو

30 يونيو

زى النهاردة من 8 سنين, 30 يونيو 2003 .. خلصت ثانوية عامة

اول ما خلصت امتحان الرياضيات 2 قعدت اعيط جامد

واللى معايا ف اللجنة فضلوا يقولولى طب راجع معانا يمكن تكون مش حالل غلط

انا ماكنتش بعيط عشان حالل غلط ولا حاجة .. انا كنت اخيرا تخلصت من ضغط نفسى وعصبى سببلى عقد نفسية يمكن تكون مصاحبانى لحد دلوقتى

خلصت الامتحان ورحت الستاد يوميها كان نهائى كاس مصر بين الاهلى والاسماعيلى ورفضوا يدخلونى الستاد عشان كان معايا الة حاسبة

اقولهم يا جدعان انا كان عندى امتحان يقولولى لا .. طب اعمل ايه .. وديها البيت وتعالى

اتغير فيا حاجات كتير اوى ف ال8 سنين اللى فاتوا دول

8 سنين يعنى اقل بحاجة بسيطة من ثلث عمرى كله

وزى النهاردة من سنتين - 30 يونيو 2009 - بابا كان هايتحجز فى المستشفى بس هو مارضيش وقالهم هايبقى يجيبلهم عينة من الكبد والكلى من عيادة خارجية

زى امبارح بالليل من سنة - 29 يونيو 2010 - كنا واقفين ف الشقة بنتفرج عليها عشان نقرر هانعمل ايه فيها وهانحط هنا ايه وهنا ايه

كانت اول زيارة بعد ما قرينا الفاتحة .. اللى كانت زى يوم الحد اللى فات من سنة .. 26 يونيو 2010

ياترى 30 يونيو 2012 هاكون فين؟

ف بيتى مع مراتى؟ هاتكون حامل؟

هاكون ف شغل تانى احسن او اترقيت ف الشغل اللى انا فيه؟

علاقتى هاتكون عاملة ازاى بالناس؟

الناس هاتكون ردت على ام المدونة اللى بيخشوها بس ومابيردوش عليها دى؟

ياترى 30 يونيو 2013 هايكون ازاى؟

هاكون شايل عيل ولا لا؟

مرتبى هايكون وصل كام ساعتها؟

ولا هاكون عاطل؟

ياترى 30 يونيو 2019 - كمان 8 سنين - هايكون عامل ازاى؟

هاكون قاعد بتكلم مع بنتى اللى هاتكون خدت اجازة اخر السنة وقاعدين نرغى انا وهى ف البلكونة وبحاول أثقفها وأعلمها حاجة جديدة؟

هاكون عملت اول مشروع ولا لا؟ ياترى هاينجح؟

ياترى 30 يونيو 2035 هايكون عامل ازاى؟

بنتى الكبيرة ان شاء الله هاتكون خلصت الجامعة؟
هاتكون لسة بتحبنى؟

هاكون بقيت رئيس للجمهورية؟

مشاريعى هاتكون كبرت ولا لا؟ بقيت مشغل كام واحد؟

ياترى هاكون عايش؟

كله فى علم الله

____________________________________________

شهر يوليو السنة اللى فاتت كان صعب اوى

من الشهور اللى الواحد مايحبش انها تتكرر تانى

يارب السنة دى يكون مختلف, واعرف اعمل الحاجات اللى انا عايز اعملها فيه

الضقطورة كملت 24 سنة

د. شيماء محمد سمير

احد اخطر العقليات اللى قابلتها على النت

واحد القلائل اللى بحب اقرالهم (ضمن المجموعة اللى تضم زينب سعد ودينا فهمى واشرف توفيق وغيرهم)

النهاردة كملت 24 سنة



كل سنة وانتى طيبة وعقبال 25 سنة

اهداء الى عم صابر

يوم الجمعة اللى فاتت - 13 فبراير 2009 - جانى عم صابر ابو محمد ومروة اللى بمرنهم فى النادى وقالى انهم قعدوا يتصفحوا المدونة بتاعتى ليلتها بالليل

وطلب منى شوية حاجات
اشعار لفاروق جويدة وعبد الرحمن الابنودى وغيرهم


هحطهم ان شاء الله

اللى انا كاتبه ده دلوقتى عشان اقول بس انى لسة فاكر ومش ناسى .. بس هستنى لما اعمل حاجة حلوة

22 كيلو مشمش يا عم السفاح

محمد جمال كمل 22 سنة يامنز

ربا ماتت

الخبر عند مشمش : انا لله وانا اليه راجعون

ادعوا مع جوسيان : توفيت ربا

انا بحاول الاقى كلام مش لاقى

انا النهاردة حصل معايا موقف صعب الصبح خلانى نايم متضايق
صحيت قبل المغرب من شوية وانا متضايق ومتعكنن اكتر وكنت هادخل دلوقتى اقول انى متضايق اكتر وبدون سبب

دلوقتى بقى اكتئبت

اعتقد انى هقفل على نفسى باب اوضتى يومين تلاتة لحد ما افوق
انا بجد اكتئبت بمعنى الكلمة




انا لله وانا اليه راجعون
البقاء لله وحده .. وحده
كلنا رايحين ان اجلا او عاجلا
كلنا بلا استثناء

سيدنا محمد نفسه اتوفى
يبقى احنا مش هانموت؟

الله يرحمها

----------------------------------------



معذرة للجميع
انا مكتئب بشدة .. اعتقد ممكن ما ادخلش اليومين الجايين

سبيشيال تدوينة (7) : نداء انسانى

محمد صبحى قرنى

متغيب من يوم 8 فبراير 2008 الساعة 9 مساءا
يرتدى بلوفر ابيض وبنطلون جينز

مش عارف عنده كام سنة بس شكله 6-10 سنين

من يجده يتصل بالرقم التالى : 0123097481

سبيشيال تدوينة (5) : سفااااااااااح

النهاردة عيد الميلاد الواحد وعشرين لسفاح كرموز الشهير بمشمش

وفى المناسبة السعيدة دى .. اقترح انك تسيب البيت :D

سبيشيال تدوينة (4) : يونس شلبى

الله يرحمك


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

سبيشيال تدوينة (2) : جد السفاح وسماح

التدوينة دى انا واخدها كوبى من مدونة كاتروز


****************************

البقاء لله جد المدونين ..سفاااح كرمووز ..و زى الهواااا

توفى الى رحمه الله جد المدون

safa7 karmooz

عن عمر يناهز السابعه و الثمانون عاما

و جد المدونه زى الهوااا

انا لله و انا اليه راجعون

اللهم نور له قبره روضه من رياض الجنة لا حفرة من حفر النار

اللهم اغفر له وارحمه واعف عنه وأكرم نزله

اللهم أبدل دار خيرا من داره وأهلا خيرا من أهله وذرية خيرا من ذريته وزوجا خير من زوجة وأدخله الجنة بغير حساب برحمتك يا أرحم الرحمين

اللهم انقله من ضيق اللحود ومن مراتع الدود إلى جنات جنات الخلود

لا إله إلا أنت يا حنان يا منان يا بديع السماوات والأرض تغمد المتوفى برحمتك يا أرحم الرحمين

اللهم أن كان غير أهلا لوصول رحمتك فرحمتك أهلا لأن تسعه

اللهم أطمعه من الجنة وأسقه من الجنة وأره مكانه في الجنة وقل له أدخل من أي باب تشاء

............................

سبيشيال تدوينة (1) : شيكو

فترة قصيرة قضيتها (رسميا) حاليا ضمن المدونين
واثناء تصفحى للمدونات المختلفة لقيت مدونة شيكو أونلاين لصاحبتها شيماء .. الله يرحمها
فى مدونين كتير علقوا على الموضوع ده

بس مش لاقى بجد اى كلام اكتبه احسن من اللى كتبته مدونة سكوت هانصوت فى التدوينة دى : وداعا شيماء
حاسس كأنى انا اللى كاتب التدوينة دى فعلا

========================

كنت انوي ان اكتب موضوعا مطولا عن مقال قيم كتبه أخي
شمس الزناتي..لكن طالعني و هالني خبر وفاة المونة شيماء
صاحبة مدونة شيكو اونلاين
والتي ارسل لي صديق مدونتها..فوجدت بوستا نقول فيه إدعو لي
فدخلت على التعليقات وإذا بأخيها ينعيها لقارئيها
من الصعب ان يتخيل المرء ان سطورا كتبها شخص
يعلق عليها افراد...الى روح صاحبتها
شيماء..لم اعرفك..ولم ادخل عندك قبل اليوم
..ظننت اني سأترك تعليق أتمنى لك فيه الشفاء
لم اعرف اني سأدعو لك بالرحمة
اللهم ارحمها واغفر لها
و ثبتها عند السؤال..و ارزقها رفقة حبيبك و نبيك محمد
واسقها من بين يديه شربة هنيئة مريئة لا تظمأ بعدها ابدا
اللهم ثبت اهلها و ثبتنا وارزقنا رفقتها في الجنة
أخوة شيماء...طالبين مننا الدعاء لها
لم يعد باق لنا منك يا شيماء الا الدعاء
اللهم تقبل منا انك انت السميع العليم

امين