اختبارات عذرية؟؟؟؟

فى مصر فى حاجات ثوابت لا يمكن المساس بيها
ممكن فى حاجات تلاقيها ف دول تانية .. بس ف مصر بيبقى ليها شكل مختلف ومميز
حاجات كتير بتاخد الطابع المصرى
سيبك من الفول والطعمية ومحشى ورق العنب وطبق الكشرى, ووشوش الفلاحين المكرمشة م الشمس اللى هاتروح فين من على قفا الفلاح؟, وكوباية الشاى الصعيدى التقيل حبر, وفوانيس رمضان وموائد الرحمن, وماتشات الاهلى والزمالك
سيبك من كل ده
بس فى حاجة اساسية بيحفظها اى مصرى من غير ما يقولهاله
قانون كدة بيتنقل عبر الجينات وبيتولد مع المصرى
المصرى ممكن يسكت على اى حاجة .. ممكن يستحمل اهانة وذل 30 سنة
اى حاجة
بس فى حاجتين عليهم علامة اكس ماينفعش يتقرب منها
ارضه .. وعرضه


معرفش ليه الموضوع ده جه ف بالى لما انتشرت تانى اخبار عن اقرار مسئول كبير فى الجيش لاجراء الجيش فحوصات عذرية ل18 انثى اتقبض عليهم وتم اعتقالهم من ميدان التحرير يوم 9 مارس


كنا قرينا الموضوع ده من شهرين .. وقال اللى قال ان الجيش يمارس انتهاكاته .. وقال اللى قال ان ده ماحصلش والجيش برئ
وأيد الكلام ده البيان رقم 29 الصادر من المجلس العسكرى على الفيسبوك

الرسالة رقم 29 .. من هنا

"بشأن ما ورد وما تردد فى الفترة الأخيرة عن قيام أفراد من القوات المسلحة بتعذيب فتيات تم اعتقالهم خلال الإعتصام الأخير فى ميدان التحرير فإننا نؤكد أنه قد تم إتخاذ الإجراءات اللازمة للوقوف على صحة هذا الموضوع وإتخاذ ما يلزم تجاهه."


واهو المجلس العسكرى امبارح أقر - عبر مسئول كبير - انه ده حصل فعلا .. ها؟
ايه؟


وبعدين؟
ايه الخطوة الجاية؟
البنات دى مين هاياخد حقها؟


تجاوزات الجيش حصلت فعلا وهى كتير مش مجرد فحص عذرية للبنات اللى اعتقلوهم 9 مارس
ولا السكوت على كل المصايب اللى بتحصل
واخرها ظابط قسم البساتين اللى احتجز مواطن وعلقه من رجليه اسبوع ورفض يخلى سبيله
الموضوع اكبر من كدة بكتير
وماحدش يعرف اخره!

المشكلة بقى
فين الاخوان والسلفيين دلوقتى يتكلموا عن البنات والستات دى؟
ولا مش على هواهم؟!!
هى اختك كاميليا واختك عبير بس اللى من حقهم انك تطالب بحقهم .. لكن اخواتك ال18 دول مش من حقهم انك تدافع عنهم؟
ولا عشان مش قضيتك؟
طب ادينا مستنيين لما نشوف رد فعل الاخوان والسلفيين

---------------------------------

سي إن إن عن مصدرعسكري:تم إخضاع متظاهرات اعتقلن في الثورة لفحص"عذريةإجباري"

«سي. إن. إن»: مسؤول عسكري يقر بإجراء «فحص عذرية» لمتظاهرات من «التحرير»

 

Egypt women protesters forced to take 'virginity tests' 

Egypt under fire for 'virginity tests'

Egyptian general admits 'virginity checks' conducted on protesters

مصر: مصدر يقر بإخضاع محتجات لـ"فحوص عذرية" 

‘Are you a virgin? We will torture you, and then we will check,’ say Egypt army officials to arrested protesters, spawning wide outrage




اقرا ايضا:

 سهى بيومى تكتب: السي إن إن: قيادي عسكري يعترف بإجراء "فحوص عذرية" لمتظاهرات




شاهد:

سارة عبد الرحمن تستنكر:  عزيزي الجيش - Dear Military

اخيرا
عايز أأكد تانى على الفرق بين الجيش اللى هو المجلس العسكرى اللى بيحكم مصر, والجيش اللى هو القوات المسلحة اللى بتحمى مصر
وان مش امين شرطة ضرب مواطن بالنار ف اسكندرية يبقى الجيش وحش
لكن امين شرطة يضرب مواطن بالنار, والجيش يسكت .. يبقى ساعتها فى مشكلة
وربنا يستر عليكى يا مصر




_________________________


تحديث:

مصادر بـ«العفو الدولية»: المجلس العسكري أبلغنا أن اختبارات العذرية تمّت لـ«حماية الفتيات»