كنت مع وزير الدفاع

لسة راجع من برة من رحلة بدأتها قبل الساعة سبعة الصبح !
نزلت م البيت قبل الساعة سبعة والدنيا كانت لسة ضلمة عشان اروح النادى .. رحت وماكانش فى غير بتاع 3 لعيبة !! انا قلت بصراحة ان ماحدش هاييجى عشان المطرة .. بس اتحركنا ف الاخر ب80 لاعب :D وكان العدد الاجمالى بتاعنا هناك 112 لاعب ومدرب
المهم اننا رحنا عملنا عرض كاراتيه فى الاحتقال بيوم التفوق للمنطقة الثانية المركزية العسكرية -- كان قدامنا حوالى 5 الاف جندى من الجيش الثانى الميدانى واللى حضرت قادة السلاح الجوى بقى والمش عارف ايه وكمية محافظين .. وعلى رأس كل دول المشير محمد حسين طنطاوى وزير الدفاع
مش هاينفع احكى اللى حصل ف اليوم هنا ..
مش هاتكلم عن كمية اللواءات اللى اتعاملت معاهم النهاردة !
ولا كمية النحاس اللى شفناه على كتاف الظباط ف المنصة !
ولا محافظ الفيوم اللى وقف وهرج معانا واحنا واقفين بنجهز اللعيبة عشان ننزل نلعب
كان بجد يوم مش ممكن . ما عملناش لا بروفات ولا غيره .. احنا رحنا قلنا للعيال انت هاتعمل كذا وانت كذا ولما دول يخلصوا انتوا تنزلوا تعملوا كذا
وبجد كان عرض جيد للغاية
هو فى حاجات بسيطة صحيح بس ما حصلش الكبائر بتاعة الكاراتيه يعنى :D
بجد ماكناش متوقعين ان العيال تفهم بسرعة كدة ويلعبوا مع بعض ف العرض بالسلاسة دى

بعد العرض بقى الوزير نزل راح قاعة كبار الزوار ووهو رايح وقف سلم علينا :D ووقفنا نتصور معاه ! وانا وقفت وراه بالظبط .. كان بينى وبينه سنتيمترات .. مش هاقول متر حتى
هابقى احاول اجيب الصورة ان شاء الله

نسيت اقول ان العرض هايتذاع منه ثوانى فى نشرة ستة وتسعة وغالبا اتناشر وممكن فى الملخص الاسبوعى اللى بيجيبوه ده اسمه طلائع النصر

ربنا يستر بقى واعرف اذاكر واعوض اليوم اللى ضاع ده :D