امبارح كنت فى العبور ونزلت اروح شقة ع شمس ابات فيها عشان ابقى قريب م الجامعة النهاردة الصبح يعنى فما اتعبش ف المواصلات وانا رايح الامتحان
المهم نزلت وفضلت مستنى ساعة الا ربع عشان اركب اى مواصلة رايحة موقف العاشر ومفيش ولا حمار معدى حتى
جت عربية شبه المينى باص كدة والواد التباع بيقول مرج مرج .. ماشى يا عم مرج مرج يلا وهانزل العاشر
مش هاتكلم عن الجنيه وبريزة وحكمة البريزة ايه بالظبط عشان دى عاوزة موضوع لوحدها .. بس المهم انى قعدت اذاكر ف الاتوبيس .. وانا بقى من اكتر اللحظات اللى بابقى فاهم فيها وباعرف اذاكر فيه هى وانا فى المواصلات
المهم انى اندمجت اوى وفجاة الاتوبيس وقف ويلا يا اخواننا الاخر .. اخر ايه يا عم .. وصلنا المرج يا بهوات !
طب ماشى .. نزلت بقى وفضلت ماشى ماشى ماشى ماشى لحد ما لقيت اشياء رايحة المرج القديمة
الشئ اللى ركبته عشان اروح بيه المرج القديمة ده بقى عبارة عن ايه؟ .. كأن فى فتحة فى الحيطة مثلا قيمة متر ف متر ونص وعدوا منها ميكروباص سابقا
طبعا الحديد مهترئ كأنه بالظبط كان بيبسى (علبة كانز يعنى) وواحد فش غله فيها وقعد يطبق فيها .. كأن العربية عند السمكرى .. او طالعة من بق كلب مع الاعتذار الشدييييييد للكلاب طبعا
فى فتحات فى الجسم الحديدى ده والمفترض انها تبقى شبابيك لكن اللى طبقوا الحديد ده وطلعوه من بق الكلب نسيوا يركبوا الازاز .. فضلت واقف طول الطريق .. او قصدى موطى طول الطريق عشان السقف كان فى مستوى كتفى وانا قاعد
ما علينا .. نزلت المرج القديمة
وفضلت ماشى ماشى ماشى ماشى
ضد الجباااال والريااااح والاتربة والحمير ايضا
المهم طلعت كوبرى كدة وفضلت ادور على المواصلة اللى هاركبها مش لاقيها
هو فى ناس بينادوا .. لكن مش لاقى المواصلة
ف الاخر اكتشفت ان الخنفسة اللى كنت هادوس عليها من شوية واستحرمت , طلعت هى المواصلة اللى هاركبها !
فاكرين البورش اللى اتكلمنا عناه من شوية؟ .. ايوة .. الصندوق اللى طالع من بق الكلب (وباكرر خالص اسفى واعتذارى لنقابة الكلاب)
فاكرين البورش دى؟
ايوة بورش !
نتكلم بقى عن الشئ التانى ده
هما هجنوا عربية نص نقل منتهية الصلاحية واتباعت خردة مع بوكس شرطة (عربية بوليس) والناتج بقى هجنوه مع سلحفاة عرجاء عقيمة عينها الشمال مابتشوفش وماتت قبل كدة 3 مرات
المهم ان الشئ ده طوله تقريبا نص متر .. لما دخلت جواه فضلت ماشى ماشى ماشى ماشى ! لحد ما قعدت ف اخر العربية .. عارفين اللى قاعد ف حمام بلدى؟ ده بيبقى واخد راحته ف القعدة عن القعدة اللى كنت قاعدها فى النص نقل/بوكس/سلحفاة عرجاء عـ... الخ
والدنيا كانت حر اوىىىىى
ما علينا .. المهم انى عرفت المحطة ونزلت بالصدفة يعنى
والطريق اخد منى فى الاجمالى حوالى ساعة ونص او اكتر شوية !
اخيرا بقى عاوز اقول انى حليت حلو والحمد لله وادعولى ربنا يكملها بالستر ف الامتحانات الباقية :D
حاجات .. ماشية على حاجات .. شبه العجلات !
*********************************************************
المهم نزلت وفضلت مستنى ساعة الا ربع عشان اركب اى مواصلة رايحة موقف العاشر ومفيش ولا حمار معدى حتى
جت عربية شبه المينى باص كدة والواد التباع بيقول مرج مرج .. ماشى يا عم مرج مرج يلا وهانزل العاشر
مش هاتكلم عن الجنيه وبريزة وحكمة البريزة ايه بالظبط عشان دى عاوزة موضوع لوحدها .. بس المهم انى قعدت اذاكر ف الاتوبيس .. وانا بقى من اكتر اللحظات اللى بابقى فاهم فيها وباعرف اذاكر فيه هى وانا فى المواصلات
المهم انى اندمجت اوى وفجاة الاتوبيس وقف ويلا يا اخواننا الاخر .. اخر ايه يا عم .. وصلنا المرج يا بهوات !
طب ماشى .. نزلت بقى وفضلت ماشى ماشى ماشى ماشى لحد ما لقيت اشياء رايحة المرج القديمة
الشئ اللى ركبته عشان اروح بيه المرج القديمة ده بقى عبارة عن ايه؟ .. كأن فى فتحة فى الحيطة مثلا قيمة متر ف متر ونص وعدوا منها ميكروباص سابقا
طبعا الحديد مهترئ كأنه بالظبط كان بيبسى (علبة كانز يعنى) وواحد فش غله فيها وقعد يطبق فيها .. كأن العربية عند السمكرى .. او طالعة من بق كلب مع الاعتذار الشدييييييد للكلاب طبعا
فى فتحات فى الجسم الحديدى ده والمفترض انها تبقى شبابيك لكن اللى طبقوا الحديد ده وطلعوه من بق الكلب نسيوا يركبوا الازاز .. فضلت واقف طول الطريق .. او قصدى موطى طول الطريق عشان السقف كان فى مستوى كتفى وانا قاعد
ما علينا .. نزلت المرج القديمة
وفضلت ماشى ماشى ماشى ماشى
ضد الجباااال والريااااح والاتربة والحمير ايضا
المهم طلعت كوبرى كدة وفضلت ادور على المواصلة اللى هاركبها مش لاقيها
هو فى ناس بينادوا .. لكن مش لاقى المواصلة
ف الاخر اكتشفت ان الخنفسة اللى كنت هادوس عليها من شوية واستحرمت , طلعت هى المواصلة اللى هاركبها !
فاكرين البورش اللى اتكلمنا عناه من شوية؟ .. ايوة .. الصندوق اللى طالع من بق الكلب (وباكرر خالص اسفى واعتذارى لنقابة الكلاب)
فاكرين البورش دى؟
ايوة بورش !
نتكلم بقى عن الشئ التانى ده
هما هجنوا عربية نص نقل منتهية الصلاحية واتباعت خردة مع بوكس شرطة (عربية بوليس) والناتج بقى هجنوه مع سلحفاة عرجاء عقيمة عينها الشمال مابتشوفش وماتت قبل كدة 3 مرات
المهم ان الشئ ده طوله تقريبا نص متر .. لما دخلت جواه فضلت ماشى ماشى ماشى ماشى ! لحد ما قعدت ف اخر العربية .. عارفين اللى قاعد ف حمام بلدى؟ ده بيبقى واخد راحته ف القعدة عن القعدة اللى كنت قاعدها فى النص نقل/بوكس/سلحفاة عرجاء عـ... الخ
والدنيا كانت حر اوىىىىى
ما علينا .. المهم انى عرفت المحطة ونزلت بالصدفة يعنى
والطريق اخد منى فى الاجمالى حوالى ساعة ونص او اكتر شوية !
اخيرا بقى عاوز اقول انى حليت حلو والحمد لله وادعولى ربنا يكملها بالستر ف الامتحانات الباقية :D
حاجات .. ماشية على حاجات .. شبه العجلات !
*********************************************************
هناك 9 تعليقات:
نسيت التكاتك(جمع توك توك يعني) متهيالي موجوده في المرج كتير بس الصراحه اشهر مواصله ركبتها في المرج (المرة الوحيده اللي رحت فيها هناك وحرمت اعملها تاني)هي العربيه النص نقل دي ايه ده هو لسه فيه حاجات كده
مش ممكن اكنك راكب المراجيح بتاعت المولد بالضبط
المهم ان الامتحان كان حلو ده اهم مافي الموضوع
على فكرة يا أليس أنا ممتن ليكى جدا .. انتى زائر شبه دائم للمدونة :D
وعارف انى معلشى مقصر حبتين تلاتة فى دخولى مدونتك . انا عارف :D
بس انا تقريبا مش لاقى وقت اصلا ارد فيه بالعافية على اللى علقوا هنا ف مدونتى !
لقاءنا ف فبراير ان شاء الله :)
هي دي مصر
المصريون قادرون على صنع اي شيء وتهجين حاجات من حاجات تانية خالص
يعني ممكن يخترعوا حاجة نتاج تزاوج بين توك توك وكارو مثلا
انت نسيت ان احنا برضة الموطن الرئيسي للسلعوة اللي هو نتاج تزاوج بين ذئب وكلب؟
تحياتي
يا عمرو انا كنت رايح لواحد صاحبي في القليوبية م اقولكش علي المواصلات اللي بنركبها واحنا رايحين
كويس انها بتمشي ياعمرو
ايه ياعمرو ازيك كل سنه وانت طيب ...
بقالى كتير جدا مشفتكش عندى ف المدونه ...
لكن عرفت انك بتمتحن ربنا معاك طبعا ... وكويس انك بتذاكر ده احنا مضيعين ياعم... هأجر اتوبيس واقعد اذكر فيه يمكن تفلح الحكايه دى
اسلوبك كان رائع وبتمنالك كل التوفيق
احمد سمير = نقطة السلعوة جامدة جدا :lol:
-----
ديد مان = ماشى يا عم انت بتتكلم عن القليوبية .. انا باتكلم عن القاهرة بلد ال20 مليون .. واستك
-----
دودو = شكرا :D حليت حلو الحمد لله ف الامتحان :D
-----
السيد شبل = خلصت اهو وربنا يسهل هابدأ افضى نفسى شوية .. انتظرونى ان شاء الله
-----
جوسيان = هأ ^-^
هههههههه عمرو مش قادره ارد من كترالضحك دا الطبيعي حضرتك بس اصلك مش متعود وعشان تحرم تنام في ابو جنيه وبعيزه
دفء .. هو بجنيه وبعيزة فعلا :good
إرسال تعليق