حظر تجول .. تانى
----------------
تم تعديل التدوينة باضافة جزء اخير فى نهايتها
وتم تعديل التدوينة مرة تانية
تم تعديل التدوينة باضافة جزء اخير فى نهايتها
وتم تعديل التدوينة مرة تانية
----------------
التاريخ أثبت ان المصريين مابيتعلموش من أخطاء الماضى
أبدا
----
مش فاهم موضوع حزق التبول ده لزمته ايه؟
يعنى الساعة حداشر ونص وكمان ساعتين ونص هايبقى فى حظر تجول لمدة 5 ساعات
الخمس ساعات دول هما اللى هايظبطوا الدنيا؟
طب وقبل كدة؟ الدنيا هاتكون منورة فاللى عايز يولع مش هايعرف يتحرك فى النور ومستنى الساعة اتنين عشان يتحرك ف الضلمة؟
طب اللى عنده مدرسة بعيدة او ماكانش بيذاكر ف الثانوية والتنسيق خلى جامعته ف حتة تانية او زى عندنا فى الشغل كدة هنا الناس اللى عندهم شغل الساعة خمسة الفجر وستة وسبعة الصبح دول يعملوا ايه؟
طب ليه اصلا؟
هل حظر التجوال ده هو اللى هايظبط الامن النهاردة؟
بداية رائعة لاسبوع انتخابات مجلس الشعب
------------
البهيم ابن البهيم اللى ضرب نار ع الجيش موت تلات اربع عساكر مالهومش ذنب وولع ف مدرعتين .. ده استفاد ايه؟
الا لو كان هو ده فعلا وهو كدة استفاد
هى مصر رايحة على فين؟
كل ما نتقدم خطوة لقدام ترجعونا عشرة لورا؟
--------------
دول مش المسيحيين
اللى عمل كدة مش المسيحيين
وانا كمسلم مش شايل اى ذرة غل او غضب من اى مسيحى .. الا لو كان زيه زى المسلم او الكافر اللى تآمر عشان يعمل كدة
----------------
تعديل:
اضغط هنا: شهادة عيان امام الله على أحداث ماسبيرو
اقتباس:
"البعض الاخر كان معتقد ان المشكلة كلها بسبب "السلفيين" اللي اتفقوا مع المجلس العسكري عشان يبيدوا المسيحيين و يتخلصوا منهم سواء بحرق كنايسهم او بقتلهم بالاسلحة الثقيلة زي النهاردة.."
اهو انا لا احب المبالغة من هنا ولا من هنا
سلفيين ايه بس اللى يبيدوا المسيحيين؟!!!!
اقتباس تانى:
"(قالوا لي خليكي وسطنا عشان لما يشوفوكي مسلمة و محجبة وسطنا ما يضربوناش!)
كان احساس مؤلم الصراحة ما فهمتش ليه لان كل فكري كان ان الجيش بيضرب بعشوائية و الموضوع مش طائفي خالص بدليل ان ناس كتير اتصابت و ماتت مسلمين زي ما عرفنا بعد كدة.."
يا خوفى تقلب حرب اهلية ف الاخر بسبب شوية محرضين متخلفين
بس الغريب هو الاعداد الهائلة للى ماتوا .. خاصة من الجيش
دول ماتوا ازاى؟
---------
والله زى ما كنت متوقع
ف الاخر قناة النيل للاخبار نفت رسميا وقوع اى قتلى فى صفوف الجيش وبررت اللى حصل بتوتر المذيع
يا ولاد ال**** !!!!!!!!!!!
------------
هناك 3 تعليقات:
محتاجين نفهم
لكن خائف لو فهمنا نموت من الحسرة
تحياتى
والله الواحد حزين على اللى بيحصل فى البلد
ربنا يحفظ بلدنا من كل شر
مع خالص تحياتى
تحياتي واحترامي يا عمرو
للشهادات واعلم ان داخل الجيش مشاكل وفساد وافساد
وطبعا سياسة التفريق الخالدة الذكر لاتزال تتسيد لان حكم الكثيرين غير حكم المشتتين
الدعوات هنا للاغلبية الجاهلة الغير مهتمة و الصامتة المتفرجة التي تنظر اسفل اقدامها فقط ان يتحدوا ولا يتعلقوا ببنطال العسكري فقط لنتحد معا جميعا حتى نعبر لانتخابات تخلصنا من حكم عسكر ولنبدأ في انتخابات حتى لو تمتلىء بالاختيارات الخاطئة لكن
علينا ان نخوض تجارب الديموقراطية لننتعلم منها ولنخطىء و نتعلم لا مانع
المهم ان لا يحكمنا العسكر
تحياتي
إرسال تعليق