صحيت الساعة 4 على صوت ناس بتصحينى
قمت لقيت فى ناس ماشية ف الشقة !
ماشيين ف الشقة ؟ ازاى؟
المفروض ان اهلى ف اسكندرية وانا لوحدى ف البيت
قمت على الساعة اربعة عشان اعرف ان الشقة اتنيلت اتسرقت تانى !!!! والمرة دى وانا فيها !!!!
لقيت ناس منالجيران وصول شرطة ولقيت اوضة النوم مقلوبة
باختصار
الراجل قلب ف الصالة كويس وبعدين دخل جوة قلب اوضة بابا وماما ودخل اوضة اختى ع السريع فتح الكوميدينو مالقاش حاجة خرج
ودخل اوضتى خد الموبايل اللى كنت سايبه بيشحن ف المكتبة اللى فوق راسى بمتر !
بصيت كويس ف الاوضة .. لا مفيش حاجة تانى اتسرقت هو الموبايل بس
المرة اللى فاتت ماكانش اتسرق منى اى شئ على الاطلاق .. متهيألى المرة دى سرقة الموبايل دى عقاب ليا عشان ما قفلتش الباب كويس
انا نمت الساعة عشرة ونص الصبح والباب مقفول .. بس ماكنتش قافل الترباس
الراجل كسر ف الباب وفتح اللسان ودخل وقلب ف الشقة وخد الموبايل من فوق راسى وانا نايم .. ومشى ف امان الله
انا كنت هافضل مواصل ومانامش .. وكنت بافكر اخرج اصلا م الشقة وبالتالى كنت هاقفل الترباس
وكنت بافكر انام الفجر عشان اصحى الظهر
بس اللى حصل انى قررت فجاة انى مانزلش بدرى النهاردة وااجلها لبكرة ودخلت نمت على عشرة ونص
عشان الحرامى يدخل ويخلص ويخرج والناس تصحينى اربعة
من 3 ايام نزلت البنك صرفت حوالة مبعوتالى من امريكا
خدت 1110 حطيتهم ف الدرج عندى مع حوالى 150 تانيين ... وفى 1108 حطيتهم ف اوضة بابا وماما ع التسريحة !
مالقيتهومش طبعا ! .. بس بافتح الكوميدينو اللى كان جنبى وانا نايم والراجل مافتحوش فلقيت الفلوس ف وشى .. مش مستخبية حتى
الحمد لله على كل شئ
______________
قمت لقيت فى ناس ماشية ف الشقة !
ماشيين ف الشقة ؟ ازاى؟
المفروض ان اهلى ف اسكندرية وانا لوحدى ف البيت
قمت على الساعة اربعة عشان اعرف ان الشقة اتنيلت اتسرقت تانى !!!! والمرة دى وانا فيها !!!!
لقيت ناس منالجيران وصول شرطة ولقيت اوضة النوم مقلوبة
باختصار
الراجل قلب ف الصالة كويس وبعدين دخل جوة قلب اوضة بابا وماما ودخل اوضة اختى ع السريع فتح الكوميدينو مالقاش حاجة خرج
ودخل اوضتى خد الموبايل اللى كنت سايبه بيشحن ف المكتبة اللى فوق راسى بمتر !
بصيت كويس ف الاوضة .. لا مفيش حاجة تانى اتسرقت هو الموبايل بس
المرة اللى فاتت ماكانش اتسرق منى اى شئ على الاطلاق .. متهيألى المرة دى سرقة الموبايل دى عقاب ليا عشان ما قفلتش الباب كويس
انا نمت الساعة عشرة ونص الصبح والباب مقفول .. بس ماكنتش قافل الترباس
الراجل كسر ف الباب وفتح اللسان ودخل وقلب ف الشقة وخد الموبايل من فوق راسى وانا نايم .. ومشى ف امان الله
انا كنت هافضل مواصل ومانامش .. وكنت بافكر اخرج اصلا م الشقة وبالتالى كنت هاقفل الترباس
وكنت بافكر انام الفجر عشان اصحى الظهر
بس اللى حصل انى قررت فجاة انى مانزلش بدرى النهاردة وااجلها لبكرة ودخلت نمت على عشرة ونص
عشان الحرامى يدخل ويخلص ويخرج والناس تصحينى اربعة
من 3 ايام نزلت البنك صرفت حوالة مبعوتالى من امريكا
خدت 1110 حطيتهم ف الدرج عندى مع حوالى 150 تانيين ... وفى 1108 حطيتهم ف اوضة بابا وماما ع التسريحة !
مالقيتهومش طبعا ! .. بس بافتح الكوميدينو اللى كان جنبى وانا نايم والراجل مافتحوش فلقيت الفلوس ف وشى .. مش مستخبية حتى
الحمد لله على كل شئ
______________
هناك 6 تعليقات:
ههههههههههههههه
والله حاجة تدايق بس تموت من الضحك
الراجل عمل كل العمايل دى وحضرتك نايم؟
يالهوى!!
طب وجيت على نفسك وصحيت لييييه
واللى يفرس انك تصحى تلاقى ناس بتتمشى فى شقتكو
ياخبر !!
حاجة غريبة جداا
بس كويس انه سابلك فلوس :)
..................
قدر الله ومشاء فعل ربنا يعوض عليكم
مش مشكلة الفلوس اصلا
كل الناس دلوقتى بتتصل وبتزورنا وعمالين يقولولى ف داهية الفلوس المهم انك طلعت منها سليم :D
انت نومك تقيل اوى ياعمرو دا كان ناقص الراجل يصحيك ويقولك ياعم اصحى انا بسرق الشقه
بس على رايك الحمد لله انك بخير وجرالكش حاجه وفداك الفلوس بس خلى بالك بعد كدا
الحمد لله فعلا إنك طلعت سليم
بس واضح إن الحرامي عنده ثقة فظيعة في نفسه إنه يدخل الأوضة وفيها واحد وياخد الموبايل من فوق راسه بمتر واحد بس !!
متخيلاه وفي إيده شومة وعامل احتياطاته عشان لو صحيت .. شغل العصابات ده انا عارفاه كويس :D
حقيقي حمد لله على سلامتك :)
هههههههههههههه ... فكرتنى بفيلم فول الصين العظيم
بس نومك تقيل بغبااااااااااء .
احمد ربنا يابنى انك طلعت سليم
بس ايه النوم دة
دة نوم بغباااااااااااء
ههههههههههههههه
انت غلبتنى يا عمرو
وبعدين يعنى الراجل كتر الف خيرة انه سابلك فلوس
ابقى قولى انتوا شقتكم فين يا عمرو علاشن اعمل حسابى
ههههههههههههههههههههههه
سلام يا حوبى
ومتعملهاش تانى
نفسى انجح بقى
إرسال تعليق