بتفرج دلوقتى على برنامج 90 دقيقة على قناة المحور فى فقرة بتتكلم عن المرور فى القاهرة
لفت نظرة كام رقم كدة
4.228.000 سيارة فى القاهرة (4 مليون وربع)
فى اخر سنة ونصف مليون ونصف (1.5 مليون) سيارة جديدة فى القاهرة
سنة 2017 متوقع ان تكون اقصى سرعة للسيارة 9كم/س
7000 (سبعة الاف) قتيل و30000 (ثلاثون الف) مصاب فى السنة بسبب حوادث الطريق
حد يفهمنى ازاى
لفت نظرة كام رقم كدة
4.228.000 سيارة فى القاهرة (4 مليون وربع)
فى اخر سنة ونصف مليون ونصف (1.5 مليون) سيارة جديدة فى القاهرة
سنة 2017 متوقع ان تكون اقصى سرعة للسيارة 9كم/س
7000 (سبعة الاف) قتيل و30000 (ثلاثون الف) مصاب فى السنة بسبب حوادث الطريق
حد يفهمنى ازاى
هناك 16 تعليقًا:
انا فعلا بدأت أكره نفسى من القاهرة ومرور القاهرة .
4 مليون عربية رايحين فين وجايين منين !!
تقريبا ضايع منى يوميا خمس ساعات مواصلات غير ال8 ساعات اللى بقعدهم فى الجامعة ..
الا صحيح ،حلوة اقصى سرعة هتبقى تسعة كيلو دى
يعنى اللى ماشى على رجليه فى الشارع هايبقى اسرع من العربية :D
عادي خالص ما فيش جديد يمكن تلاقيهم قلوا واحد و لا اتنين اتقتلوا في المستشفى عشان يكمل عدد الوفيات
عادي هي دي سياسة بلدنا ما فيش تطوير ما تجديد
انا اولا دى اول مرة ادخل على مدونتك...
مدونة هايله
ثانيا : انا بحمد ربنا انى مش ساكن ف القاهرة... لكن حيقى يعنى انا ساعات بنزل مصر بعربيتى بس مش بلاقيها زحمه قوى مش عارف يمكن بنزل ف اوقات رايقه مثلا
...
لكن المهم.... مش عارف ليه حاسس الدنيا حلوة شوية
انا اخدت لفة كاملة ف مدونتك... لا شديدة شديدة.. يعنى
هستنى زيارتك لمدونتى... وهتلاقيلك لينك عندى
ياريت نكون اصحاب..
سلام يا معلم
يااااااااااه
دكتر شبل بذات نفسيته فى مدونتى؟
تصدق بالله .. انا لسة كنت فى مدونتك امبارح او اول وقريت موضوع حزب بلا اسم وسيفت لينك مدونتك عندى مع كام مدونة تانية لحد ما افضى عشان اقراها واحدة واحدة .
على فكرة انا ليا قرايب ف الباجور :D
ماشى يا بلدينا
سلام يا معلم
ههههههههه
نفسي يعملوا عربيات طائره..او بتنط..!!!
ربنا يقدرنا على ال9 كيلو ف الساعه دوووووول...!!
ساعتها يكونوا بيبيعوا هيليكوبترات
وعلاء مبارك ياخد توكيل هيليكوبتر مرشيدس والناس تشترى بقى
وكل واحد يبقى عنده اتنين هيليكوبتر واحد للصبح وواحد بالليل
تعرفت علي مدونتك بالمصادفة..حيث كنت أبحث عن صورة من "جوجول" لأضعها تحت عنوان "آخر أخبار المرور" فوجدت الرسم الجميل الذى عبرت به عن "المرور في القاهرة" ..وطبعا ربطته بمدونتك من باب الأمانة العلمية ، واحتراما لحقوق الملكية الفكرية.وقد وجدت في هذه المدونة شيئا جذابا جعلني مهتما بتصفحها لبعض الوقت..فإلي الأمام دائما ياعمرو.
بمناسبة تطرق الحديث إلي مدينة الباجور ، فقد سبق لي زيارتها منذ ثلاث سنوات ضمن لجنة تقويم تربوى ، وكانت إقامتنا في المدرسة الثانوية للبنين علي مدى عشرة أيام ، ولفت نظرى عدم وجود أية وسائل مواصلات داخلية ، سواء سيارات الأجرة أو عربات الحنطور ، أو الطفطف ، أو حتي التوك توك المنتشر في معظم الأقاليم! ولكني شاهدت فيها ما هو أغرب ، ويتمثل في وسيلة مواصلات اسمها "السنكار" وهي عبارة عن موتوسيكل ذى صندوق جانبي لنقل الركاب أفرادا وعائلات ، ويمرق بهم في شوارع المدينة بسرعة جنونية ، وله موقف عمومي رسمي في الشارع الرئيسي ، وبعد عودتي من هذه الزيارة قمت بنشر مقال بملحق "سوق السيارات" بجريدة الأهرام ، عنوانه:"مشاهد من هنا وهناك" عن مشاهداتي في الباجور وغيرها من مدن الأقاليم.وذلك بتاريخ 26 أغسطس 2005..فهل ياترى ما تزال الأمور كذلك في الباجور أم أنها تعرضت للتغيير؟
أ. عبد السلام
سعدت للغاية بوجود حضرتك وتشريفك لمدونتى المتواضعة
انا دخلت مدونة حضرتك .. فعلا قمة فى الروعة .. او فلنقل بقى مدونات مش مدونة :D
اما بالنسبة للسنكار .. فلا املك الا انى افطس على روحى م الضحك :D
معلومة تهمك يا كابتن عمرو:
بالنسبة ل: "مدونات لذيذة : الترتيب أبجديا" أود أن أوجه انتباهك إلي خطأ شائع عند الكثيرين ، وهو الخلط بين الترتيب الأبجدى والترتيب الهجائي. فالأول هو الترتيب التالي: أ ، ب ، ج ، د ...إلخ. ويعرف بـ: "أبجد هوز" (ومنه الأغنية السينمائية الشهيرة للصوت الملائكي للفنانة الراحلة ليلي مراد)، ويستخدم في كتابة التقارير والمذكرات والرسائل الجامعية...إلخ.أما الثاني فهو التالي:أ ، ب ، ت ، ث ، ج ، ح ، خ ...إلخ.ويستخدم في ترتيب الأسماء ونتائج الامتحانات وقوائم الفصول وكشوف التنسيق...إلخ.
وهكذا ، يصبح ترتيب مدوناتك "اللذيذة" ترتيبا هجائيا ، وليس أبجديا.
تمنياتي لك بالتوفيق في عملك ، ومدوناتك ، وكل حياتك: العام منها والخاص.
اسعدتنى والله :D
هغيرها حالا ان شاء الله ^_^
ياريت اى ملحوظة او تعليق فانا بعشق النقد البناء :D
ألف شكر..وتحت أمرك يا كابتن ، واستكمالا للحديث الذى بدأناه أمس عما يعرف بالسنكار في مدينة الباجور محافظة المنوفية..إليكم ما قرأته اليوم في موقع قناة أخبار مصر (النيل للأخبار سابقا): "مجلة المصور نشرت تفاصيل طلب الاحاطة اللي قدمته النائبة إبتسام حبيب وحذرت فيه من ظهور فصيلة جديدة من التوك توك في محافظة المنوفية ، وسيلة المواصلات الجديدة إسمها السنكار - إحنا عارفين إن التوك توك موطنة الأصلي بنجلاديش ، السنكار بقى حيبقى موطنه الأصلي المنوفية إن شاء الله – النائبة قالت في تحذيرها إن هذه الوسيلة اللي هي السنكار قبيحة جدا وحتسبب مشاكل كتيرة للأهالي .... طبعا إحنا عارفين شكل التوك توك الجميل ، السنكار بقى جاي ، مخلصناش من التوك توك طلع لنا السنكار" هذا منطوق ما جاء في برنامج: كلام والسلام ، علي شاشة قناة أخبار مصر تقديم : محمد صلاح ، تاريخ الحلقة : 3 / 6 / 2008
اعتقد انى ههتم بموضوع السنكار ده ^_^
إرسال تعليق