يا بت يا وحشة - انتى يا بت يا تخينة .. يا ولية يا عجوزة !
ايه الهبل ده؟
هو ليه الناس بيبصوا للست على انها مهمتها ف الحياة تكون جميلة ورشيقة ودورها فى الحياة منحصر فى انها تقف عند الحاجة وعشرين؟
شئ غريب جدا
ليه اللى مش جميلة تقعد تحط مساحيق تجميل وبودرة ومسكرة وفسكرة وحاجات غريبة الشكل؟ .. واللى سمرا شوية تقعد تحط ابيض عشان تبيض شوية !
ليه البنات بيتكسفوا دايما يقولوا وزنهم؟
ليه ما بيحبوش يقولوا الوزن الحقيقى كذا حتى لو تخان شوية او لو الوزن زيادة؟
طب ليه الستات على طول ما بيحبوش يقولوا سنهم !!!!!!!
ايه المانع ان الست تقول عندى تلاتين عندى خمسة وتلاتين عندى خمسين سنة !!!!
هو الكبر ف السن عيب ولا حاجة؟؟؟؟
ايه المانع ان الواحدة تبقى وحشة او شعرها اكرت او تخينة ؟
مش فاهم بجد
ماهو زى ما خلق الجميلة خلق الوحشة .. وزى ما خلق الرفيعة خلق التخينة
ايه المشكلة فى كون انسانة وحشة او تخينة؟
ربنا ما خلقش حد فينا كامل
فاللى حلوة اكيد من جوة مش هاتبقى بالحلاوة دى .. واللى وحشة اكيد مش هاتبقى من جوة بالوحاشة دى
بل ده الانقح
ان مع الزمن .. العمر بيمر والمنظر الخارجى بيتغير للاوحش
سواء بقى كنتى حلوة او كنتى وحشة كدة كدة شلك هايتغير للاكثر كرمشة !
بس جوة مش هايتغير ابدا مهما عدت سنين
يبقى انهى احسن؟
الحلوة من برة ولا الحلوة من جوة؟
ايه المانع تكون البنت وحشة او سودا او تخينة وفشلة بس من جوة انسانة نقية جدا وجميلة جدا وطيبة جدا وحنينة وبتخاف ربنا !
دى احسن؟ ولا الحلوة اللى عودها عود فرنسى ووسطها وسط كمانجة .. مزة يعنى؟ ... بس من جوة تنكة ورخمة وانانية وغبية ومش بتخاف ربنا
ليه الست ما تقولش انا عندى كذا عاااادى جدا؟
بتصغر نفسها على طول ليه؟
هل هو عيب يعنى انها تكبر؟
بل بالعكس .. ده الواحدة لما تكبر ده بيكون افضل لانها بتكون اكتسبت خبرة فى الحياة اكبر واكيد تعاملاتها مع الاخرين بقت انضج
يا وحشة ويا تخينة .. مفيش داعى للخجل !
يا وحشة ويا تخينة .. ربنا عاوزكوا كدة .. قولوله شكرا يا رب انك خليتنا احسن كتير من غيرنا اللى من برة مزز ومن جوة قرف
اللى برة هايروح .. واللى جوة هايفضل للابد
هناك 16 تعليقًا:
تعرف يا عمرو ايه اكتر حاجة بتزعلني في الموضوع ده ؟
لما بشوف شخص ، سواء ولد او بنت ، معندهمش ثقة في نفسهم بسبب الموضوع ده :(
قابلت ناس كتير بالشكل ده ، عشان شكلهم عادي - مش هقولك وحش كمان - او تخان شوية :(
بس الكويس في الموضوع ، انهم في وقت معين ، بيكتشفوا انه "مش مهم" فعلا : )
الاغرب ان فى ناس بيعملوا كدة وهما عارفين انه مش مهم فعلا !!
بيعملوا كده وهما عارفين انه مش مهم عشان الناس بتبصلهم علي انهم اقل من التانيين
نظرية المقارنه ..فلانه بيضا وحلاوة بص بقا علانه عامله ازاي فتقوم علانه - حتي لو مقتنعه ان اللي جوا اهم - تعمل اللي مايتعمل عشان محدش يقارنها بفلانه ويقولوا عليها احسن منها
هو انا مع حضرتك في كتير من اللي قلته
بس مش كل الناس كده يعني انا عندي يقين ان الانسان ليه في الدنيا 42 قيراط وان مخدهمش في جماله بياخدهم فيحجات تانيا
وبصراحه انا بشوف ان محدش كامل وعيوبي بتميزني طبعا الفظيع منها بحاول اخففه بس .... ديما بقول هي دي ريهام
وبعدين ان الله جميل يحب الجمال وصحيح ان الجمال الداخلي اهم بس كمان الخارجي مهم النفس البشريه بتميل لكل شئ جميل بس من غبائها بقيت اي شئ يخالف ده بتبعد عنو
انا بشوف انو عادي ان الواحده تهتم بنفسها بس في اطار الشرع يعني متخرجش وفي 5 كيلو مكياج علي وشها بمناسبه ومن غير مناسبه
بالنسبه لموضوع السن والوزن انا عن نفسي مش بقول الوزن مش لاني محرجه لا لانهم بيفضلو يقولو لازم تخسي..... ووجع دماغ ولو فضلت ارد علي كل واحده مش هخلص فعلي ايه
وانا عارفه ان ده شئ مضر بصحتي لو زاد
ويوم ما هعمل رجيم هعملو ليا مش لغيري يعني عشان مع التقدم في العمر السمنه بتزيد ومش هتبقي كويسه
اختصار كل ماسبق همه الناس كده بيهمه المظاهر وبس... بس مش كل الناس كده
تحياتي لحضضرتك وسوري علي التطويييييييييل اتمني مكونش زائر تقيل
لا خالص :D
كلامك عن الوزن كويس ^_^
موافق طبعا على موضوع خمسة كيلو مكياج ده huh
التطرف فى كل حاجة مش حلو
بس ما علقتيش على السن :D
هبة انا عارف ان حظرتكم معانا ف الموضوع ده فمافهاش نقاش طبعا ^_^
ما هو لو الناس بتفكر صح
كانت اختارت دايما انها تتعامل مع الشخصية على اساس المضمون مش على اساس الشكل الخارجى المتغير دايما
بس بجد انا لقيت عندك كلمات غريبة
ممكن كنت اسمعها بره
لكن متيخلتش انها تبقى مكتوبة كده
:)
تقريبا عارف انتى قصدك على ايه تحديدا :commerce:
ارجوك متفهمنيش صح
بالعكس استخدمك للكلمات جه فى مكانه الطبيعى
.......................
شوف حل بسرعة و رجع المنتدى
عشان كنت عاملة لحضرتك مفاجاة
مبهتمش بالحاجات دى خالص
وسنى بقولوا فى وش اللى يسالنى
مع انى مش معترفه بيه اصلا
لكن حكدب ليه ... معظم اللى بيغروا ف شكلهم ناس بتاعه مظاهر .. لو كانوا بيفهموا .. هيعرفوا انه الاولى بالتغيير اللى جوه مش اللى بره
nice post
good:
منى
كويس ان فى ناس كدة لسة ^_^
----
نهى
اه مانتى دايما بتستنى للوقت الضايع عشان المفاجات
فاكرة برضه لما قلتلك هموت وبتاع وقلتيلى انك هاتبقى تقولى حاجات لما اموت وقلتلك قوليه دلوقتى قلتيلى لا؟ ^_^
اهو انتى برضه جاية تعملى مفاجاة بعد ما المنتدى دخل فى غيبوبة huh
ميعادنا مع المنتدى 1 ابريل ان شاء الله 1!
والله كنت مقررة انى اقولك النهاردة
نظرا لان الواحد بقى مش ضامن عمره
والله بفكر اكتب عندى فى بوجى
عشان ارتاح شوية من التفكير
رجعت المنتدى يا نهى :cheer:
يااااااااااا عارف انت فكرتنى بااغنيه كنت على طول بقولها وانا صغنونه بتاعت ياتحينه يافشله ديه ههههههههههه
فى مثل ياكابتن عمرو بيقول ايه
انا ااقولك بيقول ايه
من بره هلاهله ومن جوه يعلم الله
المشكله بش فى الشكل الخارجى المهم الجوهر فى بقى بيبقوا تحفه من بره تحس انهم ممنوع الاقتراب منهم تخاف ليترب شكلهم من بره لكن الجوهره الا جوه فلصوا وفى بقى ناس عاديه جدااا ووشهم بشوشه تلاقى الابتسامه بش بتفارق عنيهم بس شكلهم بش اد كده لكن الجوهره الا جوه الماظ
اما بقى السن فاديه حاجه تقريبا ستات مصر تقريبا كلهم بيخبوها نفسى اعرف ليه هو ايه الا هيحصل يعنى لما يقولوا عمرهم يعنى لو من بنت وسنها كبير ولسه مثلا بش اتجوزت ديه معذوره لكن والنبى واحده بتبقى ست كبيره وباين انها كبيره وتيجى تسالها عن عمرها تغروش على الكلام وبش تقولك ميكنش السؤال عن السن اتمنع مع الدستور الجديد ولا حاجه
انا رغيت كتير كده اوى وشكلك هتطردنى من هنا بس كلامك ميه ميه وديه بش غريبه عليك ياكابتن
واى استفسار يعنى كابتن عمرو فى الخدمه ((واحد بيطلع لسانوا ))وعلى فكره انا كمان بش بحب ااقول سنى بس عشان ااقلدهم وبس ههههههههههه
الفكرة كلها اننا ناس بتحب المظاهر و بتحكم على اللى حوليها على اساس الشكل فقط لا غير ...
تانى حاجه ممكن البنت تبقى مش مقتنعه بشكلها ولا راضيه بيه ف علشان كده ممكن تأفور أووى ف الميكب و هى خارجه أو تتكسف انها تقول وزنها ..
انا عن نفسى كنت بقول وزنى عادى - بس حاليا بطلت - علشان اللى بيعرف بيخنقنى بقى بموضوع انتى رفيييعه اوووى يا بنتى اتخنى شويه .. انتى مش بتكلى .. صداع يعنى ْ:D
بالنسبه للسن علشان الناس يقولوا عليها صوغنونه:D:D:D
بوست جاامد جداا ..
ريم : ابدأى بنفسك :P
--------
بيرلينا : نورتى المدونة المتواضعة :D
إرسال تعليق