لسة لحد دلوقتى مش قادر استوعب انى خلصت !!
خلصت؟
يا لهوى؟
خلصت ايه بالظبط؟
انا بقالى 18 سنة وف الوقت ده من كل سنة باقول نفس الكلمة .. خلصت
بس بعدها باربع شهور او اقل كنت بابدا من جديد
انما المرة دى .. فعلا خلصت
وان شاء الله مش هابدا من تانى !!!!
يا نهار اسوح !
مش قادر استوعب انى انتقلت من فئة (طالب جامعى) الى فئة (لا يعمل) !!!!
ولا ان المؤهل التعليمى بتاعى بدل ما كان ثانوية عامة هايبقى - ان شاء الله - مؤهل جامعى
ايه ده !!!!
المفروض بقى ادور على شغل وكدة واشتغل واتجوز والكلام بتاع الناس الكبار ده؟؟؟؟؟؟؟؟
ايه يا عم انت هاتخوفنى م الاجازة من اولها ولا ايه؟
انت هاترجع تعوز تبقى طالب تانى !!!!
بقالك 18 سنة بتدرس !
بعد تمانتاشر سنة خدمة ف تعليم ما استفدتش حاجة !!
ربنا هايحاسبنا يوم القيامة عن كذا حاجة .. منها (عن عمره فيم افناه) اهو احنا بقى افنينا عمرنا ف ايه؟
دلوقتى انا - ان شاء الله - خريج تجارة وشغلى فى الكاراتيه والكمبيوتر .. واحد زيى .. استفاد ايه من دراسته طووووووووووول عمره لحاجات زى :
احمس والهكسوس - مينا موحد القطرين - الاسرة الفرعونية العاشرة
حشائش السافانا والاستبس - التجارة فى اثيوبيا !!!! - مناخ البرازيل والصناعة فى كوريا الجنوبية - كوكب المشترى
المراة المحدبة والمراة المقعرة - دورة حياة دودة القز ! - البلازما - الجهاز الهضمى - العناصر الخاملة - الحديد الزهر
قانون فيثاغورث - الاعداد الطبيعية والاعداد الحقيقية - المثلث متساوى الساقين
جرير يهجو الفرزدق ! - نسى الطين انه طين حقير - التورية والسجع والجناس والطباق والاستعارة المكنية
الزمن الماضى المضارع المستمر ! - زا سبايدرس - دويتشى لانديسكوندى !
بالذمة مش ده هانتحاسب عليه !!!! شوف احنا ضيعنا عمرنا ف ايه !!!!
خلصت؟
يا لهوى؟
خلصت ايه بالظبط؟
انا بقالى 18 سنة وف الوقت ده من كل سنة باقول نفس الكلمة .. خلصت
بس بعدها باربع شهور او اقل كنت بابدا من جديد
انما المرة دى .. فعلا خلصت
وان شاء الله مش هابدا من تانى !!!!
يا نهار اسوح !
مش قادر استوعب انى انتقلت من فئة (طالب جامعى) الى فئة (لا يعمل) !!!!
ولا ان المؤهل التعليمى بتاعى بدل ما كان ثانوية عامة هايبقى - ان شاء الله - مؤهل جامعى
ايه ده !!!!
المفروض بقى ادور على شغل وكدة واشتغل واتجوز والكلام بتاع الناس الكبار ده؟؟؟؟؟؟؟؟
ايه يا عم انت هاتخوفنى م الاجازة من اولها ولا ايه؟
انت هاترجع تعوز تبقى طالب تانى !!!!
بقالك 18 سنة بتدرس !
بعد تمانتاشر سنة خدمة ف تعليم ما استفدتش حاجة !!
ربنا هايحاسبنا يوم القيامة عن كذا حاجة .. منها (عن عمره فيم افناه) اهو احنا بقى افنينا عمرنا ف ايه؟
دلوقتى انا - ان شاء الله - خريج تجارة وشغلى فى الكاراتيه والكمبيوتر .. واحد زيى .. استفاد ايه من دراسته طووووووووووول عمره لحاجات زى :
احمس والهكسوس - مينا موحد القطرين - الاسرة الفرعونية العاشرة
حشائش السافانا والاستبس - التجارة فى اثيوبيا !!!! - مناخ البرازيل والصناعة فى كوريا الجنوبية - كوكب المشترى
المراة المحدبة والمراة المقعرة - دورة حياة دودة القز ! - البلازما - الجهاز الهضمى - العناصر الخاملة - الحديد الزهر
قانون فيثاغورث - الاعداد الطبيعية والاعداد الحقيقية - المثلث متساوى الساقين
جرير يهجو الفرزدق ! - نسى الطين انه طين حقير - التورية والسجع والجناس والطباق والاستعارة المكنية
الزمن الماضى المضارع المستمر ! - زا سبايدرس - دويتشى لانديسكوندى !
بالذمة مش ده هانتحاسب عليه !!!! شوف احنا ضيعنا عمرنا ف ايه !!!!
هناك 22 تعليقًا:
فاضلك لسة اسبوع؟ :D
و3 سنين :lol:
مبروووووووووووووووووووووووووك
وعقبالى
لانه لسه بدرى فحت عليا..:)
مبرووووووووووووك علينا كلنا يا كنج ... واضح ان المدونين كلهم كانوا فى بكالوريوس السنة دى ... وعقبال يارب ما تلاقى شغل وتبقى باشمحاسب اد الدنيا كده ولونى معرفش المحاسب اللى اد الدنيا ده يبقى عامل ازاى يعنى
الله يبارك فيك يا ريس واستغفر الله العظيم باشمحاسب ايه بس !!!!
مشمش .. لا قريب ان شاء الله :D
كفارة :D
احنا كمان خلصنا ....
باقي من الزمن سنة واحدة !!! يا مسهل
:D
انا بقى مافاضليش من الزمن حاجة ان شاء الله :cheer:
ايوه اعتقد ان هنتحاسب بس يا رب مش احنا اللي نتحاسب انما اللي عملوا فينا كدا هما اللي يتحاسبوا
عموما مبروك على التخرج و انا عارف شعورك بالظبط لاني لسه متخرج من سنة و ايوه فات وقت الهزار و ابتدا وقت الجد و عموما ربنا يوفقك ان شاء الله لعمل متقلقش تجارة لذيذة في مجالات العمل لاني تجارة بردو على فكرة عموما متقلقش لكن متتهاونش
تحياتي ليك
سلام
انت خلصت و رحت فين يا عمرو؟
بدات تدور على شغل :D
شريف .. لا ياخويا انا ان شاء الله هاشتغل بعيدا عن التجارة !
جيداء .. انا بدات الطحن فعلا .. بس كا حاصلى ظروف صعبة جدا الاسبوعين اللى فاتوا دول ودخلت فى دوامة من المشاكل اخرها مصيبة حصلتلى فى الكمبيوتر الله اعلم هاتتحل ازاى .. ادعيلى
يااااه
ساعات بقيت احس انه حلم مستحيل
ربنا يكرمك يارب يا عمرو ..:D
فينك يا معلم؟؟؟
بقالك كتير مش بتكتب يعنى
اخبار والدك ايه؟؟؟
يارب يكون بخير ان شاء الله..:)
مبروووووووووووووووووووووووووووووووك
عقبال الزواج والاولاد
وقبليهم الشغلانه الحلوه :)
بس يا ريت حضرتك مش تنسي تحط
صور اول بيبي :cheer
كاتروز .. بكرة يجيلك يوم وتبقى زيى :D
مشمش .. الحمد لله الله يخليك
ريهام العربى .. منورة مدونتى المتواضعة .. وهو بس اول بيبى ييجى وانا اغرق المدونة صور ليه :D
ربنا يكون فى عونك يا ابنى
والله انا بقولك انا سيبالك سوق العمل كله مخضر
سيبهالك مخضرة انت وكل الشباب بعترف انكم انتو اولى تشتغلوا وتلاقوا مصدر رزق علشان بعد كده تكونوا نفسكم وتقدروا تفتحوا بيت وتتتجوزوا هههههههه يعنى نيتى مش صافية قوى كده
مهو مش معقولة احنا اللى نشتغل ونصرف عليكوا انتو لا يمكن ابدا
ربنا يوفقك وعلى فكرة الناس بدات تدور على شغل من قبل الاجازة ما تبدا الحق نفسك وروح دور على شغل بسرعة وسيبك من الاجازة وشغل المدارس ده خلاص انتهى
ربنا يوفقك انت وكل شباب مصر
تحيى جمهورية مصر العربية
عابرة السبيل .. الله يكرمك يا خالتى
ومبروك انتى وعمو عابر سبيل
انا كمان خلصت ...
و فاضلي ...
ثواني كدة اعد
3 ... و الامتياز ... و التكليف ... و بعد كدة اخد الشهااااااااااااادة
هيييييييييييه
هانت !
هبتدى احقد عليك من دلوقتى هههههههه
ان شاء تتخرج وربنا يكرمك فى حياتك
وعقبالنا احنا كمان اما نخلص
مبرووووووووووووووك ياعمرو و عقبالنا ياراجل وعقبال لما نباركلك علي الفرح و الجواز ان شاء الله :)
دكطورة مى .. روحى ذاكرى بعيد عننا .. احنا هنا رافعين شعار لا للمذاكرة :bleh:
كاريمان .. الله يكرمك انا لسة ما حطيتش رجلى ع البر .. اسبوع ولا اتنين كمان بس كدة النتيجة تطلع وبعدين قرى براحتك بقى حين لا ينفع قر ولا يجدى ساعتها :D
عمو ديد .. فى حياتك وحياة ولادك ان شاء الله ^_^
السلام عليكم
اولا الف مبروك على الانتهاء من الدراسة و عقبالنا يا رب
ثانيا بخصوص المناهج الدراسية فربنا هيحاسب الاوائل بس عشان هما اللي كانوا بيضيعوا وقت كتير في مذاكرة الحاجات التافهة دي
ههههههههههههههههههه
دمت بخير
lol lol
إرسال تعليق