النهاردة فتحت انبوبة الغاز !
ماما كانت خلت بابا يجيب انبوبة بدل الفاضية وهو جابها ركبها بس ما عرفش يفتحها
صحيتنى عشان افتحهالها عشان تعمل الاكل
دخلت الحمام الاول اتشطفت واتوضيت .. ووانا ف الحمام اتخيلت الموقف ده كمان 5 سنين مثلا
مراتى بتصحينى عشان افتحلها انبوبة الغاز .. اروح وانا مغمض داخل المطبخ فاتحها تروح هى فرحانة بقى ويخليك لى يا سبعى ويا جملى والكلام بتاع الجزارين ده
المهم انى دخلت المطبخ
قريت اية الكرسى زى ما بعمل قبل ما باعمل اى حاجة صعبة .. وقعدت احاول بقى
يمين شمال مفيييييش البتاعة اللى عملها كان بيكرهنى باين
رحت دورت على مفتاح انجليزى ما لقيتش فلما ماما سالتنى قلتلها بادور على مفتاح .. راحت قايلالى ماهو جنب الشباك !
فضلت ابص ع الشباك اللى فوق البوتاجاز واتامل ف جماله انى الاقى مفتاح مفيش مفاتيح
راحت قالتلى افتح الشباك . فتحت ضلفة الشباك لقيت المفتاح بابا مخبيه باين بين الشباك والحيطة اللى برة الشقة
المهم المفتاح كان صغير فرحت ادور على مفتاح فرنساوى .. لقيته مصدى :D ولقيته مش راضى يتربس على الفتاحة بتاعة الانبوبة اصلا
يمين شمال .. برضه مفيش
راحت ماما قالتلى بقى خلاص مش مهم انا هاخلى واحد ييجى يبدل الانبوبة دى بواحدة تانية ويفتحهالنا خلاص انا حليتها اهو
وقالتلى خلاص مش مشكلة ماهو كل واحد وليه تخصصه .. يعنى بتاع الانابيب ما بيعرفش يقعد ع الكمبيوتر
اتخيلت الموقف .. شكلى هايبقى وحش اوى لما ما اعرفش افتحها واروح جايب واحد يفتحالنا وانا متجوز
قريت اية الكرسى تانى .. وحاولت تانى
ف خمس ثوانى كانت مفتوحة
قلت لماما .. بتاع الانابيب ممكن يقعد ع الكمبيوتر
هناك 26 تعليقًا:
ولنفرض اننا ساكنين ف العبور !!!!
كويس ان فى مواصلات بتييجى اصلا .. احيانا يعنى !
شقة ع شمس فيها غاز ده طبيعى :D
بس مش هاتجوز فيها :D هابقى تاجوز ف شقة العبور ان شاء الله
حد عنده مانع؟
هههههههههه
انا مش برضوا يخلوني اركب الانبوبه اساسا ياعمرو بيخافوا
بس ايه ده انت ليك شقة في عين شمس طيب يا راجل علي كده احنا جيران
:d
ايوة يا (دكتر) لينا شقة ف ع شمس
امال داخل جامعة عين شمس ازاى؟ :D
كان شكلك هيبقى وحش اوووووى و انت مبتعرفش كده ههههههههه :D
مبتعرفش تفتح الانبوبة طبعا :D
الصراحة راحة يا لونلى
لسة مادخلكوش الغاز؟؟؟ غريبة دا داخل فى عين شمس كلها , جوسيان اتعلمى بقى تصلحى الحوض والغسالة والتلاجة والحاجات دى , دا مش عارف يفك الامبوبة
يا حاجة سماح انا باتكلم عن شقة العبور :D
صباح الخير :D
الغاز دخلنا ف عين شمس وانا ف ابتدائى :D
[quote]الغاز دخلنا ف عين شمس وانا ف ابتدائى :D[/quote]
يعنى من قريب :D ..
اه .. اول امبارح العصر
البتاعة دى غبية موت
بس جدع يا معلم
نسيت اقول انى بعرف اركب الانبوبة لان عندنا لسة مدخلش غاز للاسف بسبب قطر السويس اللى بيعدى اودام المدينة اللى مالوش لازمة اصلا .. بس بصراحة بقلق امشى عود كبريت حوالين المنظم و الحوارات ديه :D:D
ايه يا لونلى يعنى ميهمكش لو الانبوبة نفسنت ف البيت يعنى :D ؟؟
ابو المضاميض
--------------
اول حد يقل انها غبية فعلا ظ1
يا ساتر
بصوا كدة يا جدعان ع الصورة .. انا المفروض ادخل ايدى فى نص الدايرة الحديد اللى فوق دى ف الفراغ الصغير اللى ف النص ده وامسك الحديدة المدورة اللى فوق دى والفها للشمال
هى تبان هفأ :D بس ناشفة بغباء !
ضيا
--------
يا سلام لو وانت مركب انبوبة كدة تخاف تعمل الكبريت فالانبوبة تنفس ووانت جاى تولع الكبريت عشان تولع بيه البنى او شوجارة بان بان من بتوعك تروح مولع ف البيت
محمود
------
لا ضيا ده طايرة منه خالص على فكرة
على فكرة صحيح ده اللى ع الفيس بوك حاطط صورة عصام الحضرى وعليها دايرة حمرا بشعار مش مرجلة يا حضرى :D =
[quote]مش مرجلة يا حضرى[/quote]
مش مرجلة إزاى ؛ هو الحضرى طار منهم ف وسط خناقة :D ؟؟؟
بما انك شجعتني بطريقة غير مباشرة و بدون قصد للبلوجر,أحب تكون من أوائل الزائرين :)
بعدين هسألك نفس السؤال,هل تعرف امام؟
:d
أبو حازم :D ..
امام
حاضر هاخلى الكلام صاحى :D
[quote]يا سلام لو وانت مركب انبوبة كدة تخاف تعمل الكبريت فالانبوبة تنفس ووانت جاى تولع الكبريت عشان تولع بيه البنى او شوجارة بان بان من بتوعك تروح مولع ف البيت[/quote]
بنى ايه و بان بان ايه انت بتكلم عفريت يا ابنى انت :D
لا انا ماليش فى الكلام ده فوديكا ماشى هههههه :P
لا يا شيخ؟ :D
على عمو برضه؟ :P
ماشى يا عم
عامل برئ ومالكش ف البنى والبان بان :lol:
ده انت اللى اخترعتهم اصلا :roll:
ههههههههههههههههههه
مبيعرفشى
ههههههههههههههههههههههههه
ما معنى كلمة انبوبة غاز huh???
اللى ف الصورة دى يا جيمى :P
أنتوا لسة انبوبه :P:P
احنا ركبنا الغاز من زمااااااااااان
يجي اسبوع كده :D
يادى التريقة اللى مش هانخلص منها
بس برضه ... انا انبوباوى وافتخر :P
إرسال تعليق